16 mamyrda Memleket basshysy «Kitap oqu mәdeniyetin damytu jәne zerdeli últ qalyptastyru jónindegi sharalar turaly» Jarlyqqa qol qoydy. Qújat adamy kapitaldy damytugha, qoghamnyng ziyatkerlik әleuetin nyghaytugha jәne azamattardyng kitap oqugha degen qyzyghushylyghyn arttyrugha baghyttalghan.

Preziydent tapsyrmalaryn oryndau ayasynda Mәdeniyet jәne aqparat ministrligi kitaphana salasyn janghyrtu, kitap oqudy keninen nasihattau jәne halyqtyng bilim men aqparatqa qoljetimdiligin arttyru baghytynda keshendi sharalardy jýzege asyryp keledi. Búl rette salany sifrlandyrugha erekshe mәn berilude.

Býginde últtyq jazba múramyzgha keninen qol jetkizuding negizgi qúraldarynyng biri – últtyq elektrondy kitaphana, yaghny QazÚEK. Portalda kitaptar, siyrek qújattar men qoljazbalar, merzimdi basylymdar, dissertasiyalar, arhiv materialdary, audio jәne beynejazbalar, kartalar jәne basqa da sifrlyq resurstar jinaqtalghan.

2026 jyldyng basynan beri QazÚEK materialdaryn qarau sany 3,6 millionnan asty. Qashyqtan paydalanushylar sany 295 116 adamgha jetse, elektrondy kóshirmelerdi jýkteu kórsetkishi 891 551-di qúrady.

Osy kezende elektrondy kitaphana qoryna 2 506 sifrlyq kóshirme engizilip, 437 qújat óndeuden ótkizildi jәne 127 555 bet skanerlendi. Qazirgi tanda QazÚEK-ting jalpy qorynda 86 315 qújat bar. Onyng ishinde sifrlandyrylghan 10 mynnan astam qoljazba men siyrek kitap saqtalghan.

Elektrondy kitaphana qyzmetin әlemning 122-den astam elining oqyrmandary paydalanady. Portalgha Qazaqstan, Qytay, Resey, AQSh, Vietnam, Ózbekstan, Týrkiya, Germaniya, Fransiya jәne Qyrghyzstan túrghyndary erekshe qyzyghushylyq tanytyp otyr. Elektrondy qújattar әlemning 70 tilinde úsynylghan.

Portaldaghy barlyq materialdy tirkelusiz-aq erkin qaraugha bolady. QazÚEK qorynda «Memlekettik baghdarlamalar ayasynda jaryq kórgen kitaptar», «Siyrek qújattar men qoljazbalar», «Týrkitildes elder kitaphanasy» jәne basqa da taqyryptyq jinaqtar bar.

Aldaghy uaqytta búl júmys Últtyq sifrlyq kitaphana platformasyn qúru arqyly jana dengeyge kóterilmek. Birynghay platforma elektrondy katalogtardy, sifrlyq qorlardy, bilim beru resurstary men zamanauy servisterdi ózara biriktiredi. Sonyng nәtiyjesinde azamattar túrghylyqty jerine qaramastan otandyq әdebiyetke, ghylymy basylymdargha, siyrek kitaptar men arhiv materialdaryna erkin qol jetkize alady.

Abai.kz