Qazaqstanda tabighy gazgha qol jetkizgen túrghyndar sany artyp keledi. 2026 jylghy 1 qantardaghy jaghday boyynsha eldegi gazdandyru dengeyi 64,2%-dy qúrady. Búl turaly Ortalyq kommunikasiyalar qyzmetinde ótken baspasóz konferensiyasynda QR Energetika viyse-ministri Qayyrhan Tútqyshbaev mәlimdedi.

Onyng aituynsha, qazirgi tanda 20,5 mln qazaqstandyqtyng 13,1 milliony tabighy gazben qamtylghan.

– 2025 jyldyng qorytyndysy boyynsha, 354 mynnan astam adam túratyn 94 eldi meken tabighy gazgha qosylghan. Osy kezende 2 myng shaqyrymnan astam gaz qúbyry salynyp, 82 gazben jabdyqtau jobasynyng qúrylysy ayaqtalghan. Al 2026 jylghy 1 qantarda gazdandyru dengeyi 64,2%-gha jetken nemese 20,5 mln adamnyng 13,1 milliony tabighy gazgha qol jetkizdi, - dedi spiyker.

Sonday-aq viyse-ministr gazdandyru dengeyi eng joghary ónirlerge toqtalyp ótti.

– Gazdandyru dengeyi respublikanyng batys oblystarynda, Jambyl oblysynda, sonday-aq Almaty jәne Shymkent qalalarynda 90%-dan asady. Al Almaty, Qyzylorda, Týrkistan, Qostanay jәne Jetisu oblystarynda búl kórsetkish 60%-dan 90%-gha deyingi aralyqty qúraydy, - dedi Qayyrhan Tútqyshbaev.

Sonymen birge Qaraghandy, Aqmola jәne Úlytau oblystarynda búl kórsetkish 60%-dan tómen dengeyde ekenin jetkizdi.

Energetika ministrligining mәlimetinshe, 2026 jyly respublikalyq budjetten gaz tasymaldau jýiesin damytugha bólingen 27,3 mlrd tenge esebinen gazdandyru dengeyin 64,3%-gha jetkizu josparlanyp otyr. Osy arqyly taghy 32 myngha juyq adam tabighy gazgha qol jetkizedi.

Abai.kz