DATAmetrics kompaniyasy halyqtyng әleumettik kónil-kýiin sipattaytyn әleumettanulyq zertteu nәtiyjelerin úsynady. Búl derekter azamattardyng ómir sapasyna bergen baghasyn, otbasynyng materialdyq jaghdayyndaghy ózgerister men bolashaqqa degen degen senim dengeyin qamtyghan. Búl mәlimetter Qazaqstan Respublikasynyng Preziydenti janyndaghy Qazaqstannyng strategiyalyq zertteuler institutynyng tapsyrysy boyynsha 2026 jylghy 13 mausym men 2 shilde aralyghynda jýrgizilgen әleumettanulyq zertteuding nәtiyjesinde anyqtaldy.

Betpe-bet súhbat («face-to-face») әdisimen jýrgizilgen saualnamagha Qazaqstannyng barlyq ónirlerinen, sonday-aq Astana, Almaty jәne Shymkent qalalarynan 18 jastan asqan 8000 túrghyn qatysty.

Halyqtyng әleumettik kónil-kýii adamdardyng óz ómirine, materialdyq jaghdayyna jәne bolashaqqa degen senim dengeyine qanday bagha beretini arqyly anyqtalady. Zertteu nәtiyjeleri osy kórsetkishterding barlyghy boyynsha respondentterding jauaptarynda ong kózqaras basym ekenin kórsetti.

Eng joghary kórsetkish ómirge rizalyq dengeyi boyynsha tirkelgen. Saualnamagha qatysushylardyng 63,3%-y óz ómirine tolyq riza ekenin aitsa, taghy 31,9%-y kóp jaghdayda qanaghat bildiredi. Osylaysha, respondentterding 95,2%-y óz ómirine ong bagha beredi. Al 3,4%-y óz ómirine onsha riza emestigin, 1,1%-y mýlde riza emestigin mәlimdedi.

Óz ómirine berilgen ong bagha otbasynyng materialdyq jaghdayyn qabyldau dengeyinen de kórinis tabady. Zertteuge qatysushylardyng ýshten ekisinen kóbi (67,6%) otbasylarynyng materialdyq jaghdayy songhy jylda jaqsarghanyn aitqan. Onyng ishinde 29,8%-y jaghdayy aitarlyqtay jaqsarghanyn, al 37,8%-y belgili bir dengeyde jaqsarghanyn atap ótti.

Respondentterding 25,5%-y otbasynyng materialdyq jaghdayy ózgermegenin aitsa, 6,6%-y nasharlay týsti dep sanaydy.

Azamattardyng býgingi kýnge bergen baghasy bolashaqqa degen ýmit dengeyine әser etedi. Zertteuding qorytyndylary boyynsha, saualnamagha qatysqandardyng basym bóligi óz otbasynyng keleshegine senimmen qaraydy. Mysaly, on respondentting shamamen segizi (78,6%) bir jyldan keyin býgingi kýnnen jaqsyraq ómir sýretinine senedi. Onyng ishinde 45,0%-y óz jaghdayy aitarlyqtay jaqsarady dep ýmittense, taghy 33,6%-y belgili bir dengeyde jaqsaratynyna ýmitti.

Sonday-aq 15,9%-y óz otbasynyng túrmys dengeyi ózgerissiz qalady dep esepteydi. Al, respondentterding 3,4%-y óz jaghdayy nasharlauy mýmkin dep sanaytynyn aitqan.

Jalpy alghanda, zertteu nәtiyjeleri halyqtyng әleumettik kónil-kýiining negizgi kórsetkishteri boyynsha ong baghalaudyng basym ekenin kórsetedi. Saualnamagha qatysqandardyng kópshiligi óz ómirine riza, otbasynyng materialdyq jaghdayyndaghy ózgeristerdi ong baghalaydy jәne aldaghy uaqytta túrmys jaghdayynyng jaqsaratynyna senim bildiredi.

Irikteu Qazaqstan Respublikasy halqynyng negizgi әleumettik-demografiyalyq sipattamalaryna, atap aitqanda túrghylyqty jerining týrine (qala/auyl), jynysy men jasyna qaray reprezentativti. Senimdilik yqtimaldyghy 95% bolghan jaghdayda iriktemening statistikalyq qatelik shegi ±1,1%-dan qúraydy.

DATAmetrics kompaniyasy búl zertteu nәtiyjelerin Qazaqstan Respublikasy Ortalyq saylau komissiyasynyng 2026 jylghy 3 shildedegi № OSK-11-07/ZT-K-29 habarlamasy negizinde jariyalap otyr.

Abai.kz