Qazaqstannyng jas fizikteri bedeldi halyqaralyq jarysta elimizding tarihyndaghy rekordtyq kórsetkishke qol jetkizdi. 2026 jylghy 4-12 shilde aralyghynda Kolumbiyanyng Bukaramanga qalasynda ótken 56-shy Halyqaralyq fizika olimpiadasynda (IPhO) últtyq qúramanyng barlyq bes mýshesi de altyn medaligha layyq dep tanyldy.

Biylghy bәsekege әlemning 85 memleketinen 381 oqushy jinalyp, kýrdeli teoriyalyq esepter men tәjiriybelik tapsyrmalar arqyly bilim dengeylerin sarapqa saldy. Qazaqstandyq oqushylar óte joghary dayarlyq tanytyp, barlyghy altyn medali iyelendi. Búl – elimizding atalghan olimpiadagha qatysu tarihyndaghy tendessiz nәtiyje.

Altyn medali iyegerleri:

Egenbergenova Núrgýl – Astanadaghy NURORDA mektep-liyseyining 11-synyp oqushysy;

Azatbekov Amirbek – Astanadaghy NIS (jaratylystanu-matematika baghyty) 12-synyp oqushysy;

Qazymbek Iliyas – Astanadaghy Spectrum International School mektebining 12-synyp oqushysy;

Cheremnov Roman – Almatydaghy «Miras» halyqaralyq mektebining 12-synyp oqushysy;

Qúrman Damir – Astanadaghy NIS (jaratylystanu-matematika baghyty) 11-synyp oqushysy.

Búl aituly tabysqa qol jetkizu ýshin komanda ýsh jyl boyy tynymsyz dayyndaldy. Oqushylardy mektep ústazdary men tәlimgerlerden bólek, arnayy jattyqtyrushylar toby dayarlady. Dayyndyqqa әl-Faraby atyndaghy QazÚU-dyng agha oqytushysy, PhD Gýliya Núrbaqova jetekshilik etse, olimpiada kezinde komandany SDU uniyversiytetining agha oqytushysy, PhD Samat Maqsútov pen halyqaralyq olimpiadalardyng jýldegeri Aliysher Erkebaev bastap bardy.

Ayta ketsek, Halyqaralyq fizika olimpiadasy 1967 jyldan beri úiymdastyrylyp keledi, al Qazaqstan búl dodagha 1997 jyldan bastap qatysady. Eger 2025 jyly últtyq qúrama qorjynynda eki kýmis jәne ýsh qola medali bolsa, biyl barlyq qatysushynyng altyn medali iyelenui – últtyq bilim salasyndaghy búryn-sondy bolmaghan jetistik.

Qazaqstannyng jas daryndardy, olardyng ústazdary men ata-analaryn osy tarihy jenispen qúttyqtaymyz! Búl – jas fizikterding qajyrly enbegi, múghalimderding kәsiby sheberligi jәne elimizdegi olimpiadalyq qozghalystyng joghary damyghanynyng aiqyn dәleli.

Abai.kz