Astanada Qúryltay saylauyna qatysatyn jeti sayasy partiya ókilderining qatysuymen ótken televiziyalyq saylaualdy debat jobasy ayaqtaldy. Bilim beru jýiesin damytu mәselelerine arnalghan auqymdy pikirtalas Jetinshi arnanyng tikeley efiyrinde kórsetildi.

Televiziyalyq pikirtalasqa «Ádilet», JSDP, «Baytaq», Qazaqstan Halyq partiyasy, «Auyl», «Aq jol» jәne Respublica partiyalarynyng ókilderi qatysty. Efir barysynda qatysushylar bilim beru jýiesin damytugha qatysty ústanymdaryn úsynyp, salanyng ózekti mәseleleri boyynsha pikir almasty jәne saylaualdy baghdarlamalaryndaghy basym baghyttardy tanystyrdy.

Debat bastalar aldynda Jetinshi arnanyng tikeley efiyrinde qatysushylardyng sóz sóileu retin anyqtaytyn ashyq jerebe tartu rәsimi ótti. Joba tórt kezennen túrdy. Sayasy partiyalar ózderining saylaualdy baghdarlamalarynyng negizgi baghyttaryn tanystyryp, bilim beru salasyn damytu jónindegi úsynystaryn ortagha saldy, bir-birine súraq qoyyp, kórermenderding saualdaryna jauap berdi jәne saylaushylargha qorytyndy ýndeu jasady.

Pikirtalas barysynda bilim beru jýiesin sifrlandyru, joghary bilimning qoljetimdiligin keneytu, bilikti júmysshy kadrlardy dayarlau, ekologiyalyq mәdeniyetti damytu, auyl jastaryn qoldau baghdarlamalaryn jetildiru, pedagogterding mәrtebesin arttyru jәne qazaqstandyq joghary oqu oryndarynyng halyqaralyq bәsekege qabilettiligin kýsheytu mәseleleri talqylandy.

Kezender arasyndaghy ýzilisterde Jetinshi arnanyng shaghyn studiyasynda sayasattanushylar men bilim salasynyng sarapshylary úsynylghan bastamalardy taldap, pikirtalas barysyna qatysty óz baghalaryn berdi.

Efir boyy kórermender QR-kod arqyly úiymdastyrylghan onlayn dauys beruge qatysyp, «Qay partiya spiykerining sózi sizge kóbirek únady?» degen súraqqa jauap berdi.

Onlayn dauys beru qorytyndysy:

Onlayn dauys beruge 73 628 kórermen qatysty.

Dauys beru nәtiyjesi tómendegidey boldy:

1. «Ádilet» partiyasy — 45,48 %;

2. «Auyl» partiyasy — 15,58 %;

3. Respublica partiyasy — 12,01 %;

4. JSDP — 9,71 %;

5.  «Aq jol» partiyasy — 7,98 %;

6. Qazaqstan Halyq partiyasy — 6,96 %;

7. «Baytaq» partiyasy — 1,58 %;

8. «Eshqaysysyn qoldamaymyn» — 0,70 %.

Jetinshi arnadaghy televiziyalyq debat sayasy partiyalar, sarapshylar qauymdastyghy men saylaushylar arasyndaghy ashyq dialog alanyna ainaldy. Interaktivti format kórermenderge pikirtalasty tamashalap qana qoymay, súraq qoyyp, pikir bildirip jәne onlayn dauys beru arqyly oghan tikeley qatysugha mýmkindik berdi.

Teledebattyng tolyq jazbasy, efirding ýzdik sәtteri, sahna syrtyndaghy ekskluzivti materialdar jәne qosymsha beynematerialdar Jetinshi arnanyng resmy sayty men әleumettik jelilerdegi resmy paraqshalarynda jariyalanady.

Televiziyalyq debat Qazaqstan Respublikasynyng saylau turaly zannamasynyng talaptaryna sәikes úiymdastyrylyp, Jetinshi arnanyng tikeley efiyrinde kórsetildi.

Abai.kz