Qazaqstan Respublikasynyn

Premier-ministri

K.Q.Mәsimovke

Qúrmetti Kәrim Qajymúqanúly!

Men 2006-jyly QHR-dan Qazaqstangha kelgem. Alghashqy bes jylym osynda oqumen ótti. 2011-jyly Y.Altynsarin atyndaghy Arqalyq MPIY-dyng bitirdim. 2010-jyly Rasol Manargha kýieuge shyqtym. Aqmola oblysy, Ereymentau audany, Oljabay batyr auylyna qonystandyq. 2011-jyly 16-jeltoqsanda túnghysh qyzym Jibek, 2013-jyly 6-qazanda úlym Qanatbek dýniyege keldi. Kýieuim, ata-enem – bәri Qazaqstan Respublikasynyng azamattary.

2012-jyly mausym aiynda anamnyng qaytys boluyna baylanysty shyghu vizasymen QHR-gha bardym. Vizanyng kezegin kýtip onda alty ay jattym. Ýrimjiden ýsh aigha bir mәrte viza ashtyryp, 12-jeltoqsanda Qazaqstangha Zaysan ótkeli arqyly zorgha oraldym.

Kele salyp, 14-jeltoqsan kýni Ereymentau audany Kóshi-qon polisiyasyna bardym.  Búrynghy audartqan qújattarym Ýrimshidegi QR-dyng elshiliginde qalghan edi. Endi ondaghy qyzmetker Zúlpyqar Júmadilov aituy boyynsha, uaqytsha tirkeuge túru ýshin, qújattarymdy Ereymentau audanynda qayta audarttym, kuәlandyrdym. Osy barysta aua rayynyng qolaysyzdyghyna baylanysty eki kýn jol jabylyp qalyp, Kóshi-qon polisiyasyna bara almadym. Oghan jalghas Tәuelsizdik merekesi keldi. Kóshi-qon polisiyasy mening uәjimdi, aua rayynyng qolaysyzdyghyn eskermesten, 17 myng tenge aiyppúl tóleuge búiyrdy. Tóledim. Ayyppúl tólegening ýshin, bir jyl kýtesing dedi. Bir jylgha tayau kýttim.

2014-jyl jana jyl merekesi óte salyp, Zúlpyqargha taghy bardym. Ol sәuir aiyna deyin kýtesing dedi. Sәuir aiynda baryp em, túraqty tirkeuge qújat jina dedi. Qajetti qújattardy jiyp, apardym. Zúlpyqar qabyldamady. Sebebi, men managhy 17 myng tenge aiyptyng orynsyz ekenin aityp, Ereymentau audandyq prokuraturasyna aryz jazgham. Zúlpyqar mening ýstimnen aryz jazdyng dep, eregesti. Sóitip, qújatymdy qabyldamaghan son, Ereymentau audandyq sotyna aryz jazdym. Sot әkimshilik jazadan bosatylsyn dep, 02.06.2014j qauly (Is, №3-256/2014) shyghardy. Osy qaulyny alyp, taghy da Zúlpyqargha bardym. Ol meni Kókshetaudan Qytaygha shyghu vizasyn ashtyryp keluge jiberdi. 20 kýnge shyghu vizasyn ashtyryp kelip, túraqty tirkeuge qújattarymdy taghy apardym. Qysqasy, osy 20 kýn ishinde Zúlpyqardyng janyndaghy kómekshi qyz Kamshatqa qújattarymdy tolyq ótkizdim. Sosyn ýide jatyp kýttim. Bir aptadan son, Kamshat shaqyryp, meni Kókshetaugha barugha, viza ashtyryp keluge búiyrdy. Qanday viza ekenin aitpady. Kókshetaugha baryp em, olar vizanyng uaqyty bitip ketipti, qayda jýrgensing dep úrysty. Men emshekte balam bar ekenin, Qytayda vizanyng kezegi jaqyn arada tiymeytinin aittym. Kókshetauda Dinara degen qyz maghan: Jaqynda Zúlpyqar otchet tapsyrugha Kókshetaugha keledi. Sol kisimen birge kelesing dedi. Zúlpyqar maghan habarlaspady. Uaqyt óte berdi. Qújattarymdy Ereymentau audandyq Kóshi-qon polisiyasyna tapsyryp tastaghan son, men alansyz jýre berdim. Osy shilde aiynyng 31-kýni Kamshatqa telefon shalyp, túraqty tirkeuding jaghdayyn súradym. Ol maghan ertennen qalmay Kókshetaugha bar, men eshtene bilmeymin dedi. Tamyzdyng 1-kýni Kókshetaugha baryp em, oblystyq Kóshi-qon polisiyasy 15 kýnge taghy QHR-gha shyghu vizasyn ashyp berdi. Ol vizanyng uaqyty 2014-jyl, 15-tamyz bitedi.

Demek, men Túraqty tirkeuge túrugha qajetti qújattarymdy uaghynda tapsyrdym. Ereymentau audandyq Kóshi-qon polisiyasy ony týgel qabyldap aldy. Sot arqyly aiyptan da bosatylgham. Oralman mәrtebesin de algham. Endi ne ýshin Qytaygha baryp, viza ashtyryp keluim kerek?! Eger uaghynda ótkizbedi dese, oghan orynsyz aiyppúl tóletken, bir kýttirgen Zúlpyqar Júmadilov jauapty. Keshe ol «31» arnagha bergen súhbatynda «Men kómekteskem. Kókshetaumen sóilesip, bylay isteyik dep. Sottyng tóraghasymen sóilesip, "kóke mynany otkaznoy qylyp berinizshi. Men tayaq jesem tayaq jeyin" dep. Qaldyrayyq osy jerde dep. Ketu vizasymen bolmaydy dep, mening inspektoryma sógis jariyalady»- depti úyalmay (http://www.31.kz/video/show/id/3391 ).

A, sonda Zúlpyqar kómektesse, sonsha uaqyttan beri men ne ýshin túraqty tirkeuge túra almay jýrmin? Qayta ol meni «Bauyrsaq» dep kelemejdedi. Audan әkimining orynbasary balalaryndy bagha almasan, balalar ýiine tapsyr dep qaydaghy joqty aityp úrysty. Men balamdy bagha almadym dep bargham joq, túraqty tirkeuge túra almaghan song bargham. Búl men ýshin qorlau. Qúdaygha shýkir, jaghdayymyz jaqsy. Tabysymyz bar...

Sondyqtan, Qúrmetti Kәrim Qajymúqanúly, men endigi jerde ólsem de Qytaygha qaytpaymyn! Emshekte balam bar. Sizding maghan kómektesip, Túraqty tirkeuge túrghyzuynyzdy ótinem. Qúzyrly organdargha tapsyrma berip, Zúlpyqar Júmadilovty jazagha tartuynyzdy, menen keshirim súratuynyzdy súraymyn!

Eger, Qytaygha qaytugha mәjbýrlep, tólqújatyma qara tanba basamyz dese, men BAQ ókilderin jiyp, Tólqújatymdy pochta arqyly Sizge jiberem. Sizden bosqyn mәrtebesin nemese bez grajdandyq súraymyn! Ólsem, sýiegim ketui mýmkin Qytaygha!!!

Qúrmetpen

Qadyrbek Gýljayna

06.08.2014

Meken-jayym:

Aqmola oblysy, Ereymentau audany,

Oljabay batyr auyly, Baytuarov kóshesi 14/2.

Abai.kz