Ýkimetik emes úiymdardy (ÝEÚ) memleket esebinen qarjylandyru – halyqaralyq tәjiriybede búrynnan bar norma. Kóptegen elderde memlekettik biylik organdary «ýshinshi sektorgha» qomaqty qarjylay kómek kórsetedi. Múnday әreket tikeley nemese arnayy úiymdardyng qatarynan tandap alynghan deldaldardyn, tipti ÝEÚ-dardyng ózining esebinen jasalady. ÝEÚ-dargha qoldau kórsetu kólemi jóninen ekonomikasy damyghan elder kósh basynda túr. Sonymen qatar, órkeniyetti elderde jekelegen azamattardyng ÝEÚ-dardy qoldauy memleket tarapynan kórsetiletin kómekten asyp týsetini barshagha belgili. Mәselen, jiyntyq baghalau boyynsha damyghan elderde (búl jerde kóshting basynda Euro-Atlantika ónirining subektileri túr) ÝEÚ-dardy memleketten qarjylandyru olardyng tabysynyng 48 payyzyn qúraydy. Damushy  elderde búl kórsetkish eki esege derlik az – 22 payyz. Al, ÝEÚ-dardyng ózining qyzmetinen týsetin (mýshelik jarnalardy qosa alghanda) tabysy damyghan elderde – 35 payyzdy, damushy elderde – 61 payyzdy qúraydy.

  Jalpy alghanda, birqatar batys elderinde ÝEÚ-dardy memleket esebinen qarjylandyru olardyng qyzmetining ajyramas bólshegi bolyp tabylady. Mysalgha, Úlybritaniyada Ministrler kabiynetining jetekshisi Devid Kemeronnyng ózi budjettik tapshylyqpen kýresting ayasynda qoghamdyq úiymdargha kómektesu ýshin ÝEÚ-dardyng qarjylyq shyghyndaryn jartylay óteuge sheshim qabyldady. Tipti, múnday maqsat ýshin arnayy «Tranzittik qor» qúryldy. Kóptegen jaghdaylarda memlekettik organdardyng tarapynan kórsetiletin qarjylay qoldau ÝEÚ-dardyng budjetining ýlken bóligin qúraydy. Mysaly, «Transparensy Interneshnl» úiymynyng budjetining tabys bóligi 2013 jyly 28,17 mln eurony qúrasa, sonyng ishinde 25,56 mln eurosy - әrtýrli elderding ýkimettik vedomstvolarynan alynghan qarajat. Atalghan úiymnyng memlekettik donorlarynyng qatarynda AQSh-tyng halyqaralyq damu jónindegi agenttigi, Úlybritaniyanyng halyqaralyq damu ministrligi, Kanadanyng halyqaralyq damu agenttigi, GFR-ding SIM-i, Fransiyanyng SIM-i jәne t.b. bar.

Halyqaralyq tәjiriybeden kórip otyrghanymyzday, shetelderde ÝEÚ-dargha memleket arqa sýieydi jәne olardy belgili bir ekonomikalyq, әleumettik mәselelerdi sheshetin subekti retinde qaraydy. Al Qazaqstanda halyqqa әrtýrli әleumettik qyzmet týrlerin kórsetetin 12 myngha juyq ÝEÚ-dar bar. Olardyng negizinen júmys isteytin baghyty – balalarmen jәne jastarmen júmys, densaulyq saqtau, genderlik damu, adam qúqyqtaryn qorghau jәne azamattyq qoghamdy nyghaytu. Alayda, atap aitarlyghy, qazaqstandyq әleumettik qyzmetter naryghy shetelderdikinen ózgeshe. Óitkeni, sol qyzmetterdi kórsetetin ÝEÚ-dar jalpy alghanda kenes beru, aqparat taratu jәne nasihat jýrgizumen ghana shekteledi. Al, halyqtyng naqty mәselesin sheshumen ainalysatyn úiymdar bar-joghy 10 payyzgha da jetpeydi. Yaghni, bizding qoghamymyzdyng sol úiymdardyng aldyna belgili bir maqsat qoyyp, odan naqty mәseleni sheshedi dep ýmittenbeytini ras. Sonymen qatar, últtyq zannamamyzda ÝEÚ-dardy budjetten qarjylandyru mәselesi kórinis tappaghan.

Mine, osynday olqylyqtardyng ornyn toltyru ýshin, Qazaqstannyng Azamattyq aliyansy «QR-daghy ýkimettik emes úiymdardyng qyzmetining mәseleleri boyynsha keybir zannamalyq aktilerge ózgerister men tolyqtyrular engizu turaly» zang jobasyn dayyndady. Jana jobada ÝEÚ-dardy memleket budjeti esebinen granttyq qarjylandyru úsynylyp otyr. Jәne olardy syiaqymen yntalandyru jýiesi de qarastyrylghan. Sonymen birge zang jobasynda ÝEÚ-dardyng ózderi dayyndaghan әleumettik jobalar men baghdarlamalargha budjetten qarajat bólu mәselesi de kóterilgen. Óitkeni, búghan deyin memlekettik tapsyrysty ghana orynday kelgen ÝEÚ-dardyng múnday mýmkinshiligi bolmaghanyn eskeru kerek.

Ámirlan Álimjan

Abai.kz