Búdan búryn habarlaghanymyzday aldymen  resmy aqparat kózderin sholyp óteyik:

Qazaqstan Preziydenti Núrsúltan Nazarbaev Reseydi  15 km terendiktegi únghymany búrghylau boyynsha «Euraziya» jobasyna qatysugha shaqyrdy. 

RF preziydenti Vladimir Putin Atyrauda ótken óniraralyq yntymaqtastyqtyng HI forumy barysynda Qazaqstan men Reseyding shekaralas yntymaqtastyghyn joghary baghalady.

Forum barysynda Qazaqstan men Resey mamandary birigip Atom elektr stansasyn salatyndyghy turaly sóz shyqqan bolatyn. Alayda Qazaqstanda AES salynatyn oryn әzirge anyqtalmady, dep mәlimdedi QR Energetika ministri Vladimir Shkoliniyk.

Qazaqstan men Reseyding óniraralyq yntymaqtastyq forumy ayasynda Soltýstik Qazaqstan men Chelyabi oblystary arasynda yntymaqtastyq turaly memorandumgha qol qoyyldy.

Qazaqstan men Resey Orynbor gaz óndeu kesheni bazasynda innovasiyalyq gaz-himiya klasterin qúru josparlandy. Búl turaly  keshe Atyrauda ótken Qazaqstan-Resey HI óniraralyq yntymaqtastyq forumynda  Orynbor oblysynyng gubernatory Yuriy Berg aitty.

Bashqúrtstan Preziydenti Ufa men Qazaqstan qalalary arasynda tikeley әue reysin ashudy úsyndy.

Óniraralyq yntymaqtastyqtyng HII forumy kelesi jyly  Ufa qalasynda ótetin boldy. 

 Jogharydaghy jayttardy elimizdegi BAQ bitken jarysa taratyp jatyr. Al, bizding tilshimiz әriptesterimizding kózinen tasa qalghan myna bir qyzyqtardy da bayan etkendi jón kóripti.

Qysqasy,  forum bastalghannan Putin ózining beti-auyzymen әure boldy. Eki preziydent oryndaryna kelip otyrghannan keyin, artyq sózder aitylmastan, kezdesu bastaldy.

Birinshi bizding Elbasy sóz aldy.

Aldymen ong qabaghyn, sosyn sol qabaghyn qasyghan RF preziydenti janadan salynghan Saltanat Sarayynyng tóbesine kózin tónkerip úzaq qarady. Sәlden keyin úyalghan boluy kerek, basyn qozghaltpay, kózining qiyghymen ghana qaraudy jalghastyrdy. Birese aldyndaghy mikrofonnyn ústap, birese óz qolymen oinap otyrghan Putin sóz alghanda bizding Elbasynyng da zaldan әldekimdi izdegendey qimyly bayqaldy.

Eki preziydentting de kónil kýii keremet emes sekildi kórindi. Zalda tek kýlimdep otyrghan Shýkeevti ghana anghardyq. Dosaevtyng tereng kýrsingenin teleoperatorlar da bayqap qalypty.   

Putinning úiqysy kelgen siyaqty. Esinegisi kelip, ózin ózi ústady, auyzyn ashpay, ishinen esinegeni sezildi.  

Shkolinik sóilegennen keyin onyng reseylik әriptesi Novak sóz aldy. Manadan jan jaghyna qaraghyshtap, bir-birine mýlde qatysy joq siyaqty bolyp otyrghan eki preziydent Novak bes minut sóilegende birin-biri jana kórgendey enserile búrylyp, enkeyip otyryp eki ret sóilesti. Ýshinshi ret bas týiistire sóileskenderinde kónildi birdene aitylghan boluy kerek, jadyrap kýlip aldy. Ekeui de.

.

Izmúhambetov, Yuriy Bergter sóiledi.

Bashqúrt preziydenti Hamitov sóilegende Elbasy әldeneni qaghazgha týrtip otyrsa, Putin sausaqtaryn aiqastyryp, taghy da qoldarymen oinap otyrdy. Hamitov kelesi forumdy 2015 jyly Ufa qalasynda ótkizudi úsyndy.

—    Myna Saltanat Sarayyn oraldyqtar 8 aida salyp shyqty, — dep kýldi bizding preziydent.

—    My toje spravimsya, — dedi Hamitov.

Putinning saraydyng tóbesine sonshalyqty súqtanyp qaraghany týsinikti boldy.

Otyrys ayaqtalghansha bet-auyzymen әurelenudi Putin toqtatqan joq. Songhy jaghynda ishi pysqanday stol ýstin sausaqtarymen әlsiz ghana úrghylap aldy da, sol qúlaghyn qasyp, mandayynyng terin sýrtkendey, әlde qasyghanday qimyl jasady. Bayqatpay ernin tistelep, әiteuir otyrysty ayaqtady.

(Segiz aida salynghan Atyraudaghy Saltanat sarayy)  

Abai.kz