Ómirge jýz jylda bir-aq ret keletin óte siyrek әnshiler bolady. Olar әn ýshin, әn aitu ýshin ghana tuylady. Tughan topyraghy qadirin bilmese Mәskeu men europanyng jalandaghan menedjerleri qazir-aq qaghyp alyp ketui ghajap emes. Keshegi kelmeske ketken kenester odaghynyng túsynda onday erekshe jandargha ýkimet qoldau kórsetip, әkelik qamqorlyghyna alushy edi. Myna balapan basyna, túrymtay túsyna ketip, jaqsy men jasyqty ajyrata almay túrghan abyrjy, dýdamal kezende múnday birtuarlargha kimning emeshesi ezile qoyar deysin. Sóitip jýrip kýnderding bir kýninde Seni de qu qúlqynnyng qúlyna ainaldyryp almasaq bolghany ghoy...

Men birdene bilsem, myna әnshi bala qazaq degen at tóbelindey halyqtyng baghyna tughan. Dәl osynday dengeydegi búlbúl kómeydi kórmegenime kóp jyldyng jýzi bolghan eken. Onyng dauysynda dәuirlerding qasiyet túnghan saghym-dirili, baghzyda qalyp ketken asyl ruhymyzdyng kýbiri, ózegimizdi jaylaghan órt pen ókinish túr. Men ony tyndaghan sayyn sony sezemin. Sodan song jan dýniyem alay-týley arpalysty kýy keship, kýizelgen sanam san saqqa ketedi. Ol әn aityp túrghanda qazaqtyng er kezi, bayaghy saltanaty men baghy basynda túrghan berendigi, bolmysy biyik shaghy elesteydi kóz aldyma. Ár elding tilinde aitqan óreli әnine әlem tyndaushylary dýr silkinip, dýrildete qol soghyp, tilin týsinbese de tabighatyn tanyghan biyik talghamdy jandar riyazyz riza boluda. Al bizding bauyrlarymyzdyng ne oilaghany bar ekenin qaydam, әzirge biri emes, bәri de ýnsiz, qúddy bir auyzdaryna múzday su úrttap alghanday...

Oghan qighan ataghyng men danqyng bolsa erteng emes, býgin ber der edim Men! Ol osy jasynda-aq onyng әkesindey ónerpazdardyng aita almaghanyn bir ghana «Daydidau» әnimen jetkizip berdi. Men múny osynshama súlu, biyik, sherli әn dep oilamappyn (Soghan qaraghanda naghyz oryndaushysynan tynday almaghanmyn ghoy). Al Sen bolsang búl qarapayym әnning iyin qandyryp myng búradyn, Dimashjan! Men sening oryndauynda osy әndi tyndap otyryp býgingi sahnalastaryng men keleshektegi әnshilerge kәdimgidey janym ashydy. Senen keyin olar búl әndi qaytyp aitady endi (әi, biraq bizding bauyrlar aita beredi ghoy)? Ózinnen keyingilerge oryn qaldyrmay, bar kenistik ataulyny nәziktik pen súlulyqqa toltyryp, jerine jetkizip shegelep jiberding ghoy, ainalayyn. Shyn ónerpazdyghyng osy bolmysynnan-aq bayqalady.

Iya, bizde әnshi kóp, biraq Sen siyaqty Jaratqan Jalghyzdyng ózi jer betine әn aitu ýshin jibergen qúbylys talanttar mýldem joqtyng qasy. Sen jәne sen siyaqtylar tusa tek dәuirler aralatyp, jyldardy tynystatyp qana kelui mýmkin myna jaryq jalghannyng jýzine. Eshkimge úqsamaytyn ghajap dauysyndaghy jylt etken sәulege, sol arqyly súlu tabighatyna, ózegindegi biyik talghamyna tәnti boldym. Sen bizding baghymyzgha tughan balasyn. Tek talanttylardyng taghdyrynan saqtasyn. Álde de kóretin kóz tabylatyn shyghar, kópke topyraq shasha almaspyz. Álem kórip, dýnie jýzi tanyghandy biz tany almaytynday qazaqqa ne kórinipti?! Seni qoldaytyn, qadirindi biletin qazaqtyng qalja jep tughan talay úl-qyzdary jýrgen shyghar aramyzda. Qolymda bolsa Men saghan bәrin de qazir, býgin-erteng enshiler edim. Átten... Al sen bolsang dәl osy qalpynnyng ózinde tym biyiksin.

Nege ekenin qaydam, әiteuir Sen "Daydidaudy" shyrqaghanda myna jalghanshynnyng kómeski jaryghy birtýrli sәulelene týsetin siyaqty...

Berik JÝSIPOV,
foliklortanushy

Abai.kz