Jaqynda qazaqstandyq BAQ pen әleumettik jelide qyzu pikir-talas tudyrghan Kalachy auylynyng túrghyndarymen bolghan dauly oqighagha esterinizde bolar. Sol janjalgha qatysty týsinikteme bergen Aqmola oblysynyng aty-shuly әkimi Sergey Kulagin myrza endi túrghyndargha mýlde dauys kótermeuge uәde bergen. Búl turaly total.kz sayty jazady.

«Ótken jolghy túrghyndardy qabyldau kezindegi týsinispeushilikterge qatysty aitarym – búl ashyghyn aitqanda arandatushylyq (provakasiya) boldy. Sonda da men ortasha qalypta sóilegen edim. Eshkimning ar-újdanyna tiyetin auyr sózder aitqan joqpyn. IYә, biraz dauys kótergenim ras. Ákimdik degen manyzdy qyzmetti arqalap jýrgen son, men olay jasamauym kerek edi. Endigәri múnday jaghdaydyng bolmaytynyna uәde beremin», – deydi Aqmola oblysynyng әkimi.

Esterinizde bolsa,  qazan aiynyng ayaq sheninde Aqmola oblysynyng әkimi Sergey Kulagin myrza oblystyq әkimshiliktegi júmys kabiynetinde, arasha súrap, aldyna kelgen Kalachy auylynyng túrghyndaryna dauys kóterip, qorqytqan sózderi jazylghan beyne taspa әleumettik jelige taralyp ketken bolatyn.

Oqigha bylaysha órbigen. Qabyldaugha kelgen túrghyndardyng biri әkimning әdepten asyp sóileytinin әu basta bilse kerek, Kulaginning qyzmettik etikagha jat sózdermen dauys kóterip jatqanyn taspagha jazyp alyp, qazaqstandyq BAQ-targha jariyalaghan.

Keyin, beyne taspadan kórgenimizdey, Sergey Kulagin Kalachy auylynyng túrghyndaryna dýrse qoya bergen.

«Sender ótirik aqymaq bola bermender. Sender sharshattyndar meni. Men qorqytyp otyrghan joqpyn, biraq bilip jýrinder. Senderding sharualaryndy tikeley ózim qadaghalaymyn. Eger oghan kónbesender, oryndaryna qoyamyn. Úghyp alyndar, men әkim retinde aityp otyrmyn. Sosyn meni esterinnen shyghara almaytyn bolasyndar», – degen Kulagin myrza.

Ol kezde әngimening auany Kalachy auylynyng túrghyndaryn kóshiru mәseleleri tónireginde órbigen.

Ras óz qaramaghyna tiyesili auyldyng túrghyndary әkimine shaghym aityp keldi. Kulagin myrza kóp sozbastan, mәselemizdi sheship beredi degen esek dәme, aldamshy ýmit beydaua dertke shaldyqqan auyl túrghyndarynyng kókireginde sarnap túrghan edi. Átten. Ony týsiner әkim qayda, halyqty oilaytyn basshy qayda, býginde?... Kulagin myrzany kalachiylikter sharshatqan eken. Ózi aitty. Halqyn ýrkitti, qorqytty, qolynan kelgenin isteytininde  býgip qalmady.

Sergey myrza, ózi shot minezdi kishi sayasatker edi. Osyghan deyin Aqmola oblysynda temirdey tәrtip ornatamyn dep, ózine deyingi kishi sheneunikterding jym-jylystaryn ashyp salghan edi ghoy. Sol kezde «Qazir bizding basty maqsatymyz — túrghandardy kóshiru ýshin qarajat kózin tabu. Qalay aqsha bólinedi, 2015-2016 jyldar aralaghynda barlyq túrghyndardy birden kóshiruge kirisetin bolamyz», – dep uәde bergen. Sol uәdesin oryndau maqsatynda aitqanyn tyndata almaghan әkimning sózine sensek, kóshuden bas tartqan túrghyndargha dauys kóteripti-mis.

Osylaysha Aqmola oblysyn temirdey tәrtippen ústaymyn dep sheshken Sergey Kulagin myrza, endi túrghandargha dauys kótermeuge uәde berdi.

Búdan bylay KULAGIN myrzadan qatang súranys bolmaq. Kulaginning uәdege qanshalyqty beriktigin aldaghy uaqyttarda kóretin bolamyz. Tek, keyde qyzmetke ynta-shyntasymen berilip, kariera jolynda halyqty da, basqasyn da basqa úrmaytyn key әkimder, ózderining halyqtan biyik emes ekendikterin úmytpasa iygi.

Núrgeldi Ábdighaniyúly

Abai.kz