Shymkentting tórinde ornalasqan A.S.Pushkin atyndaghy oblystyq kitaphanada Týrkistandaghy Halyqaralyq qazaq-týrik uniyversiyteti jurnalistika fakulitetining IV-kurs studenti, kóptegen halyqaralyq, respublikalyq jyr dodasynyng jenimpazy, 2014 jylghy Halyqaralyq «Shabyt» festivalining Gran-pry iyegeri, Ordabasylyq oghlan – Batyrhan Sәrsenhannyng «Meyirim ghalamshary» atty jana jyr jinaghyna arnalghan túsaukeser ótti.

Kitap – Qaraghandy qalasyndaghy «Tengriy» baspahanasynan jaryq kóripti. Aghalyq aq niyetpen osy kitaptyng basyluyna qoldau kórsetkeni ýshin, aqyn – Qalqaman Saringe avtor da, júrtshylyq ta razy. Redaktory – tanymal jas jazushylardyng biri – Serik Saghyntay. Suretshisi – Ádilhan Mәlik. Alghysózin jazghan aqyn, Memlekettik syilyqtyng laureaty, Qazaqstannyng enbek sinirgen qayratkeri – Úlyqbek Esdәulet: «Batyrhannyng aqyndyghy – sәuleli, shúghylasy mol, jarqyn núrgha shýpildegen taza, túmsa, móldir әlem. Onyng jyrlarynda kóregen kónil, sezimtal sana, bauyrmal jýrek bar. Bastauyn búrqyldaghan qaynar túmadan alyp, búrqyrap aqqan búlaqtyng arnaly ózenge ainalugha asyqqan jarasymdy erke, er minezi bar,» – depti. 

Jaghymdy janalyqqa jiylghan halayyq kitaphanagha lyq toldy. «Meyirim ghalamshary» kitabynyng túsauyn kesu qúrmetine alashtyng ardaqty azamattary Narmahan Begaly men Marhabat Bayghút ie boldy. Olar kitaptyng túsauyn kesip, qoghamnan, adamdar arasynan meyirim izdegen jas aqyngha aq batalaryn berdi. Qos birdey kitaptyng avtory atanyp otyrghan talapty jasqa, bir top ziyalylar men student-jastar shygharmashylyq tabys tiledi, aqynnyng ólenderin oqydy. Kezek Batyrhan Sәrsenhannyng ózine tiygende, Shәrbanu Dinәsilova basqaryp otyrghan kitaphana újymyna alghysyn aityp, jyr shoghyryn birinen song birin laqyldatty-ay. Tyndarman qauym ýlken estetikalyq lәzzәt alyp, әsirese jastar jaghy әzer tarqasty.

Qúitaqanday jýregine meyirim qúndaqtaghan poeziya perishtesining jyr ghúmyry qazaq әdebiyetimen mәngi jasasyn dep, biz de tileulestik bildirdik.

 Gýldәriya Áshirbaeva

 Shymkent.

Abay-aqparat