JAMALA! JAMALA-ARU! JAMALA-JAN!
Biylghy «Eurobayqau» әn konkursynyng bas jýldesin tegi qyrym tatary, ukraina әnshisi Jamala jenip aldy. Jamala - Susanna Alimovna Jamaladinova 1983 jyly Qyrghyz elining astanasy Bishkekte dýniyege kelgen. 1989 jyly Qyrymgha kóship baryp, balalyq shaghy sonda ótken. Jamalanyng әkesi – hor diriyjeri, anasy – pianinoshy. Ózi de bala kezinen әn aitady.
«Eurobayqauda» Jamalanyng jenip shyqqanyn Resey baspasózi taghy da sol ýirenshikti әuenine basyp, "Batys elderining Reseyge kórsetken qyry, Jamalanyng aitqany әni de Reseydi kinәlap túr" dep, jazyp jatyr. Barsha júrt biletindey, Ukraina biyligi auysyp, elde «Maydan» bolyp, onyng sony Reseymen qaqtyghysqa aparyp soqqan. Sol tústa Resey biyligi Ukraina qúramyndaghy Qyrym avtonomiyasyn anneksiyalap alghan bolatyn. Sodan beri eki el arasyndaghy aqparattyq soghys әli jalghasyp jatyr. Búl soghys Jamalanyng ónerin de ainalyp ótpedi.
Alayda әn óneri sayasattyng әuire sarsanynan qashanda biyikte túrady. Sondyqtan biz týbi bir týrki halqynyng býgingi úrpaghy - әnshi Jamalanyng «Eurobayqau» finalynda aitqan әnin nazarlarynyzgha úsynyp otyrmyz.
JAMALANYNG ÁNI
Jamala!
Jamala-Aru!
Jamala-Jan!
Ýninnen ainalayyn "Agha!"-laghan;
Men túrmyn tileuindi tilep senin,--
Alla-Taghaladan!
Qyrymnyng Ay-Aruy Jamala qyz,
Bahadúr--әkeng senin, anan--anyz.
Alla-- alqap, Aruaq-- jebep asqaq túrsyn,
Zaqharyn shashsa-daghy zamananyz.
Sen barda Qyrymda kýn ashyq bolghan,
Arnadan Qara teniz asyp-tolghan;
Tatardyng aruyna , men týgili,
Maghjan kókem-daghy ghashyq bolghan!
Aldynnan Jahan shyghyp jayqalyp ap,
Qúshaghyn ashyp túr ghoy aiqaryp-aq;
Qyryqtyng Qydyry bop túrsyn, mine,
Qyrymdy әninmenen qaytaryp ap!
Sherli edi búl eki egiz halyq netken,
Anyrap azaly әnge salyp ketken?
Qobyzdyn* zarly dausy estipedi,
Kobzardyn* kózden jasy tamyp ketken?
Jamala!
Jamala-Aru!
Jamala-Jan!
Týrikke--jan-jaghyn jau qamalaghan,--
Bir jyly habar kele jatqan syndy
Aqjoltay bolyp Alla-Taghaladan...
Serik Aqsúnqar
16.05. 2016 j.
Núra Matay
Abai.kz
