19-mamyr kýni Elorda tórinde bokstan әielder arasynda әlem chempionaty ótetininen habardar bolarsyz.  Atalghan dodada Rio-de-Janeyro qalasynda bolatyn jazghy olimpiada oiyndaryna joldamalar sarapqa salynady.

(Nazym Ishanova)

Halyqaralyq dodalarda el namysyn qorghap, kók bayraghymyzdy kókke kóterip, әnúranymyzdy әlem aldynda әueletip jýrgen boksshy qyzdarymyz az emes. Degenmen, olimpiadalyq salmaq dәrejesinde (60 kg.-red.) osyghan deyin jastar arasynda jenimpaz atanyp, kózge týsip ýlgergen Nazym Ishanovanyng orny bólek, әriyne.

Sonymen, sanauly kýnnen son, Astanada ótetin әlem chempionatyna atalghan salmaqta (60 kg.) el namysyn  atyraulyq Nazym Ishanova qorghauy tiyis bolghan. Sebebi, osyghan deyin ótken el chempionatyn jengen Nazymnyng әlem chempionatyna alghan tikeley joldamasy bolghan.

Alayda Qazaqstannyng boks federasiyasy  Astanadaghy jarysqa Nazymdy jibermey, onyng ornyna astanalyq Rimma Volosenikony (Qazaqstan chempionaty 2016- kýmis jýldegeri) ótkizip jibergen.  

(Rimma Volosenko)

Federasiyanyng múnday sheshimimen kelispeytin Nazym, «federasiya ózining jolyn kesip, barmaq basty, kóz qystylyqqa salyp otyr» dep esepteydi.

«Abai.kz» portalyna arnayy habarlasyp, kómek súrap, Qazaqstannyng boks federasiyasyndaghy sybaylas-jemqorlyqtyng saldarynan Rio Olimpiadasynyng joldamasynan qaghylyp qalayyn dep túrghanyn aitqan Nazymnyng nazyna qúlaq týrip kórgen edik.

Nazym Ishanova, boksshy:

-El chempionaty byltyr qazan aiynda ótken bolatyn. Men ol kezde 60 kg-da chempion atandym. Negizi chempionat jylyna bir-aq ret ótkizilui tiyis qoy. Sodan kóp úzamay, 6 aidan son, aqpan aiynda  Qazaqstan chempionatyn qayta ótkizdi. Ol jerde de men óz salmaghymda chempion atandym. El chempionatyn útqan adamgha әlem chempionatyna tikeley joldama beriledi ghoy. Men sóitip, bir emes eki ret útyp aldym. Al belgisiz bir sebeptermen,  19 mamyr kýni Astanada  bolatyn bokstan әielder arasyndaghy Álem chempionatyna meni jibermey, Qazaqstan ishinde menen eki ret jenilip qalghan astanalyq Rimma Volosenkony ótkizip otyr. Búl әdiletsizdik qoy. Men óz kýshimmen Rimmany bir emes, eki ret jenip kettim. Sonda Boks Federasiyasy qanday kriyteriyler boyynsha Rimma Volosenkony ótkizip otyr? Mening bapkerlerim de múny týsine alar emes.

Mening ornyma ótkizip otyrghan Rimma Volosenko degen qyz Astanadan eken. Onyng sporttyq dәrejesi de joq, senesiz be?.. Qarapayym sport sheberligine ýmitker de emes.

Dәl osy salmaqta men ýsh ret Álem chempionatyna bardym. 2013 jyly Bolgariyada ótken Álem chempionatynda qola jýlde aldym. Al 2015 jyly Qytaydyng Taypeyinde ótken ÁCh-da men taghy da qola jýldeger atandym. Bokstan sport sheberi degen dәrejem taghy bar.

Federasiya mening joldamamdy zansyz jolmen astanalyq qyzgha berip berip jibergendikten, sizderge habarlasyp otyrmyn. Meyli, eger Rimma meni taza jenip alatyn bolsa, men eshtene demes edim. Biraq, bir emes eki ret menen finalda útylyp qalghan ghoy. Onyng ýstine búl Rio joldamasy sarapqa salynatyn manyzdy jarys. Eger men osy jarysqa qatyspaytyn bolsam, biraq búl men Riogha barmaydy degen sóz emes. Ol ýshin men barlyq jarystardy jenip keldim ghoy.

Beybit Ishanov, jeke bapkeri, әkesi:

-Biz federasiyanyng múnday sheshimimen kelispeymiz. Osy mәselege qatysty press-konferensiya ótkizgeli jatyrmyz. Qazaqstan boksyna bey-jay qaramaytyn  otandastyrymyz bizding Nazymnyng sporttaghy, sonyng ishindegi bokstaghy qarym-qabyletin jaqsy biledi.  Halyqaralyq arenada elimizding bedelin layyqty jenisterimen ózin moyyndatqan Nazym qorghauy tiyis bolatyn. Ókinishke oray Qazaqstannyng boks federasiyasy qoyyrtpaq jasap, belgisiz sebeptermen (keybir tanityn kisilerding aituynsha, Rimma Volosenko osy joldamany satyp alypty) Nazymnyng ornyna astanalyq Rimma Volosenkony ótkizip otyr. Biz әdilettilikti qoghamnan izdeymiz. Dәl osynday jolmen Nazymnyng betinen qaghyp, sybaylastyqqa salynyp otyruy ókinishti. Myna Astany qalalyq sport basqarmasynyng basshysy Berik Barlybayúly Myrjyqpaev degen kisinin  dayyndap otyrghan qyzy – osy Rimma Volosenko. Osynyng aldynda Myrjyqpaev Qyzylordadan Mariya Volinovany Astanagha әkelip, kóterdi. Tipti olimpiada jýldegeri etti. Keyin Mariya ózi ol kisiden ketip qaldy. Osydan keyin Myrjyqpaev ashulanyp, dәl Mariya sekildi Rimmany da alyp shyghamyn degen eken. Myrjyqpaevtyng qanday adam ekenin osy federasiyadaghy barlyq bapkerler jaqsy biledi. Tipti, odan seskenetini de ótirik emes.

Negizi Rimma bizding Nazymmen eki ret jekpe-jekke shyghyp jenilip qalghan. Federasiya bolsa, «Nazym әli jas qoy, keyin de shyghady» degen syltaular aityp otyr. Ras, jas, keyin de shygha jatar. Biraq, qazir bolayyn dep túrghan kezinde betin qaqqanymyz әdiletsizdik qoy.

Onyng ýstine QBF Nazymgha úsynys jasap, Astananyng atynan shyghudy aitqan. Biz búghan kelispegen edik. Biz ózimizding jerdin, Atyraudyng atynan qatysyp jýrmiz. Nazymnyng jolyn kesip otyrghan da osy boluy kerek.

Bizding talabymyz bireu ghana. Janaghy Rimma degen qyz ben Nazymnyng arasynda jekpe-jek ótkizeyik. Jәne oghan BAQ ókilderi qatyssyn. Sol jerde qaysy qyz jenedi, mine sol barsyn. Búl әdiletti sheshim bolar edi. Sebebi, Astanadaghy  jarysta Rio olimpiadasynyng joldamasy sarapqa salynady. Mýmkin búl Riodaghy Qazaqstannyng altyny boluy mýmkin ghoy.

Redaksiyadan: Atalghan mәsele boyynsha biz QBF-men  baylanys ornata almadyq. Aldaghy uaqytta Qazaqstannyng boks federasiyasynyng Nazym Ishanovanyng bazynasyna qatysty pikirin jariyalaytyn bolamyz.

Sporttyq jetistikterine qaray baghalaytyn bolsaq, әriyne Nazym Ishanovanyng   jolyn boks fedarsiyasy kesip otyr dep ashyq aitugha bolady. Nazymnyng joldamasy Rimma Volosenkogha qanday jolmen berilgenin QBF týsindirui tiyis.  

Núrgeldi Ábdighaniyúly

Abai.kz