- Olar pәterge jinalghan kezde ózderine imamdary dәl sol kýni qasiyetti jihad jasau turaly ýndeu jasaghan. Áriyne, olar dayyndalghan. Nysandardy bilgen. Qayda, qalay baru keregin bilgen. Imamdary Siriyadan bolghan siyaqty. Meninshe, ony tergeushiler anyqtaydy. Olar imamdaryn tyndap, jihad jýrgizuimiz kerek dep, qosylghandary әreketke kóshken, - dedi ministr Qasymov.

Ministrding sózinshe, shabuyl jasaudy 45 adam josparlaghan. "Biraq jihad jariyalap, pәterden shyqqan kezde 19 adam bas tartqan. Qazir olardyng barlyghyn anyqtap, tergep jatyrmyz. 29 adam kelisip, shabuylgha shyqqan. Jol boyynda taghy ýsh adam bas tartqan", - dedi Qalmúhanbet Qasymov.

Ishki ister ministri qaru-jaraq dýkenining beynebaqylau kamerasynan onda 25 adam kirgeni kórinetinin, qylmys jasaudan bas tartqan taghy bir adam ketip qalghanyn aitady.

- Qylmysty 25 adam jasaghan. Birinshi dýkendegi oqigha toghyz minutqa sozylghan. Olar dýkenge kirgen song tórt minuttan keyin jeke kýzet qyzmeti barghan. Kýzetshi dýkengi jýgirip kirgen boyda olar ony atyp tastaghan. Ýsh minuttan song dýkenge jasaq jetip, atys bastalghan. Poliyseyler dýkende ózderine birden 14 adam dýkennen alghan qaru-jaraqtan oq atady dep oilamaghan, - deydi ministr Qasymov.

Qasymov sonymen birge Aqtóbe oblysyndaghy tótenshe jaghday qalypty rejimge kóshkenin, barlyq arnayy qyzmetting ókilderi óz oryndaryna qaytqanyn aitty.

Abay-aqparat