Býgin Astanadaghy №2 Esil audandyq sotynda Seyitqazy jәne Áset Mataevtardyng qylmystyq isi boyynsha basty sot otyrysy bastaldy. Sotqa tóraghalyq etushi sudiya Aqbolat Qúrmantaev әueli basty aiyptalushylar – S. jәne Á. Mataevtardan, olardyng qorghaushylarynan qylmystyq istegi dәlelderdi alyp tastaugha qatysty ótinishhattarynyng bar-joghyn súrap bildi. Sudiyanyng súraghyna: «Ótinishhat joq» degen jauap qaytaryldy. Odan әride sudiya aiyptau aktisin oqu ýshin prokurorgha sóz kezegin berdi.

Memlekettik aiyptaushy Erjan Qúraqbaev sot otyrysynda: «2011 jyldyng basynda «Últtyq baspasóz kluby» qoghamdyq birlestigining preziydenti Seyitqazy Mataev paydakýnemdik qyzyghushylyqpen zansyz jolmen bandy kózdeudi oilaydy. Óz qolynda bar aqparattardy talday jәne salystyra kele, S. Mataev «Qazaqtelekom» AQ-nyng qarajatyn qymqyrudyng jolyn oilastyrady. Osy maqsatta ózining bedelin paydalana otyryp «Qazaqtelekom» AQ-nyng qyzmeti jóninde jarnamalyq-aqparattyq materialdardy jaryqqa shygharu ýshin «Últtyq baspasóz kluby» qoghamdyq birlestigi arasynda kelisim-shart jasaydy. Alayda keyinirek, jaryqqa shyqqan materialdardyng qyzmet qúnyna kelgende «Qazaqtelekom» AQ-nyng qyzmetkerlerin janylystyryp, zansyz jolmen aqsha alady. Sondaghy jymqyrylghan aqshanyng kólemi – 143 mln. tenge», - dep habarlady.

Memlekettik aiyptaushynyng aituynsha, Seyitqazy Mataev 2010-2015 jyldar aralyghynda ózimen aldyn-ala sybaylasqan adamdardyng tobymen birlese otyryp, memlekettik satyp alu salasynda budjet qarajatyn qymqyrghan. Sonyng bәrinde aldau men senimge qiyanat etu jolymen әreket jasaghan. Jarnamalyq-aqparattyq qyzmet salasynda kәsipkerlikpen ainalysu maqsatynda S. Mataev 2008 jyly 19 mausymda Almaty qalasynyng әdilet organdaryna «QazTAG» halyqaralyq aqparat agenttigi» jauapkershiligi shekteuli seriktestigin tirkeydi. «Ózining qolynda bar aqparattaryn talday jәne salystyra otyryp, Mataevtyng Mәdeniyet jәne aqparat ministrligining Aqparat jәne múraghat komiytetining lauazymdy túlghalarynyng ózine degen senimine qiyanat etu jәne aldau jolymen memlekettik aqparattyq sayasatty jýrgizuge arnalghan budjet qarajatyn úrlau jónindegi aram niyeti tuyndaydy», - dedi sot otyrysynda E. Qúraqbaev.

Onyng jariya etkenindey, Baylanys, aqparat jәne aqparattandyru komiyteti memlekettik aqparattyq sayasatty nasihattaugha tender ótkizedi. Sol tenderdi jenip alugha ýmitkerlerding arasynda «QazTAG» halyqaralyq aqparattyq agenttigi de bolghan. Aldyn-ala jasalghan kelisim boyynsha, tenderlik qújattar bir ghana Áset Mataev basshylyq etetin «QazTAG» agenttigi jeniske jetetindey etip jasalady. Alayda, búl osy saladaghy zannamany óreskel búzu bolyp tabylady. Kelisim-shart boyynsha, «QazTAG» memleketting ishki jәne syrtqy sayasaty, qarjylyq sala instituttaryn nyghaytu, elimizding qoghamdyq-sayasy jәne әleumettik-ekonomikalyq ómiri turaly kólemdi materialdardy jaryqqa shygharuy tiyis bolghan. Mәselen, 2013 jyly agenttikten kýn sayyn kem degende 5-7 saraptamalyq maqala, aptasyna kem degende ýsh ret osy taqyryptarda әrtýrli súhbattar shygharu talap etilgen. Is jýzine kelgende bir-bir maqala, súhbattar ghana jariyalanghan. Tipti keyde mýldem eshqanday material jariyalanbaghan. Ol az bolghanday-aq, atqarylghan júmystardyng aktileri tekserilmey, әnsheyin «qol qoydan» ótip otyrghan. Sayyp kelgende, «QazTAG» halyqaralyq aqparattyq agenttigi arqyly úrlanghan aqshanyng kólemi 169 mln. tengeni qúrady.

Búghan qosa, S. Mataev 2011-2015 jyldar aralyghynda 216 952 683 tengening salyghyn tólemedi dep aiyptalyp otyr. Ayta ketelik, búghan deyin mәlim bolghany – S. Mataev kórsetilgen somanyng shamamen 47. mln. tengesin memleketke tólep qaytardy.

Ámirlan Álimjan

Abai.kz