Jaqynda  «Kvartal 95» studiyasynyng «Chisto News» baghdarlamasynda qazaqstandyq sayasatkerdi «sayqymazaq» etken beyne jazba jariyalandy.

Ukrainalyq әrtis Vladimir Zelenskiy men telejýrgizushi Valeriy Jidkov búryn Qazaqstannyng bilim ministri bolghan, endigi senat deputaty Birghanym Áytimovanyng Halyqaralyq jiynda sóilegen sózin әjualady.

Halyqaralyq konferensiyada minberge arnayy shaqyrtylghan senator Birghanym hanymnyng ala shúbar tilin ukrainalyq әzilkeshter týsine almapty.

(16.27 minuttan bastalyp, 17.33 minutta ayaqtalady)

Shyndyghynda  әrtister qazaqstandyq sayasatkerding sózin esh búrmalamaghanymen, búl belgili dәrejede el imidjine núqsan keltirgeni ras. Olay deytinimiz, 45 million auditoriyagha habar taratatyn arnanyng jýrgizushileri Birghanym hanymnyng sózderin býtin qazaq halqyna әm Qazaqstan júrytynyng atynan qabyldaghan eken.

Ájuagha ainalarlyqtay eks-ministr, qazirgi senator Birghanym Áytimovanyng ne býldirdi?

«Potomu chto my vsyo eshyo ne takaya strana, kak naibolee eto, daje iydyom v tridsatku, my eshyo ne takie kak vse. Poetomu nam «najno» (nujno) idty po neobhadimostiy», - deydi QR Parlamenti senatynyng «әleumettik-mәdeny damu jәne ghylym» komiytetining tórayymy Birghanym Áytimova. Senator búl sózderdi III Halyqaralyq «Bolashaq» baghdarlamasy jónindegi konferensiyada aitqan.

Senatordyng resmy tilin tәpsirlep kórsek, Birghanym hanym «Bolashaq» baghdarlamasy arqyly jastardy oqugha jiberudi әli de bolsa jalghastyruymyz kerek» degendi aitqysy kelgen sekildi. Degenmen salystyrmaly týrde sóilegen Birghanym hanymnyng «Biz әli onday el emespiz ghoy» degenin qalay týsinuge bolady? Sonda biz qanday memleketpiz? Nemese qanday memleket boluymyz kerek?

Ári qaray senator «Biz әli basqalar siyaqty emespiz» deydi. Sayasatker hanymnyng osy sózining astaryna ýnilsek bir shyndyqtyng bary anyq.

Odan әri  Qazaqstan halqyn, onyng ishinde memleketti qúrushy qazaq últynyng potensialdy-intellektualdy ambisiyasyn ashyp kórsetu ýshin «vse grajdany kazahstana doljny k preodoleti, dostichi etoy seli, esly v strane vse umeyt  chitati y pisati. No my je ne takaya nasiya. My chitati y pisat uje s rojdenie mojem», deydi.

Ukrainalyq arnanyng kesip alyp kórsetkeni osy bolghanymen, senator hanymnyng «Bolashaq» baghdarlamasy turaly sóilegen sózderi týzu shyqty. Áytkenmen Áytimova hanym әrise maqtaghan «Bolashaq» baghdarlamasynyng týlekteri qazir qayda jýr?  Memleket qarjysyna shetel asyp ketkenderding qarasyn kóbeytuding tәsili emes pe búl? Búl óz aldyna bólek әngime...

Bolashaqtyq demekshi, Birghanym hanym bylay depti: «Biz barlyghymyz memlekettik qyzmette joghary lauazymdargha jete almaymyz. Mysaly, men býgin-erteng óz ornymdy eshkimge bere qoymaymyn. Sondyqtan men sekildiler elde óte kóp».

Ras-au, gerontokratiyalyq jýie kadrlary býgin-erteng jastargha oryn bosatyp berui ekitalay ekeni belgili. Sondyqtan Birghanym hanymnyng aitqany ashy bolsa da shyndyq.

Sózin týiindegen senator «Kenet bizge eki ýmitker keldi delik. Onyng biri – «bolashaqtyq», ekinshisi qarapayym maman. Áriyne biz «bolashaqtyq» mamandy tandaymyz» (y vdrug dve kandidatury. On s praktikoy y vdrug – bolashakoves. Konechno je, my govorim bolashakoves. Eto norma jizni. Eto voobshe nashe jelanie obrazovannyh pripodnimati, - deydi. Sonda búl «ala qoydy bóle qyryqqan jýnge jarymaydynyn» keri emes pe?

Núrzat Toghjan

Abai.kz