جاقىندا  «كۆارتال 95» ستۋدياسىنىڭ «چيستو News» باعدارلاماسىندا قازاقستاندىق ساياساتكەردى «سايقىمازاق» ەتكەن بەينە جازبا جاريالاندى.

ۋكراينالىق ءارتىس ۆلاديمير زەلەنسكي مەن تەلەجۇرگىزۋشى ۆالەري جيدكوۆ بۇرىن قازاقستاننىڭ ءبىلىم ءمينيسترى بولعان، ەندىگى سەنات دەپۋتاتى بىرعانىم ءايتىموۆانىڭ حالىقارالىق جيىندا سويلەگەن ءسوزىن ءاجۋالادى.

حالىقارالىق كونفەرەنتسيادا مىنبەرگە ارنايى شاقىرتىلعان سەناتور بىرعانىم حانىمنىڭ الا شۇبار ءتىلىن ۋكراينالىق ازىلكەشتەر تۇسىنە الماپتى.

(16.27 مينۋتتان باستالىپ، 17.33 مينۋتتا اياقتالادى)

شىندىعىندا  ارتىستەر قازاقستاندىق ساياساتكەردىڭ ءسوزىن ەش بۇرمالاماعانىمەن، بۇل بەلگىلى دارەجەدە ەل يميدجىنە نۇقسان كەلتىرگەنى راس. ولاي دەيتىنىمىز، 45 ميلليون اۋديتورياعا حابار تاراتاتىن ارنانىڭ جۇرگىزۋشىلەرى بىرعانىم حانىمنىڭ سوزدەرىن ءبۇتىن قازاق حالقىنا ءام قازاقستان جۇرىتىنىڭ اتىنان قابىلداعان ەكەن.

اجۋاعا اينالارلىقتاي ەكس-مينيستر، قازىرگى سەناتور بىرعانىم ءايتىموۆانىڭ نە ءبۇلدىردى؟

«پوتومۋ چتو مى ۆسيو ەششيو نە تاكايا سترانا، كاك نايبولەە ەتو، داجە يديوم ۆ تريدتساتكۋ، مى ەششيو نە تاكيە كاك ۆسە. پوەتومۋ نام «ناجنو» (نۋجنو) يدتي پو نەوبحاديموستي»، - دەيدى قر پارلامەنتى سەناتىنىڭ «الەۋمەتتىك-مادەني دامۋ جانە عىلىم» كوميتەتىنىڭ ءتورايىمى بىرعانىم ءايتىموۆا. سەناتور بۇل سوزدەردى III حالىقارالىق «بولاشاق» باعدارلاماسى جونىندەگى كونفەرەنتسيادا ايتقان.

سەناتوردىڭ رەسمي ءتىلىن تاپسىرلەپ كورسەك، بىرعانىم حانىم «بولاشاق» باعدارلاماسى ارقىلى جاستاردى وقۋعا جىبەرۋدى ءالى دە بولسا جالعاستىرۋىمىز كەرەك» دەگەندى ايتقىسى كەلگەن سەكىلدى. دەگەنمەن سالىستىرمالى تۇردە سويلەگەن بىرعانىم حانىمنىڭ ء«بىز ءالى ونداي ەل ەمەسپىز عوي» دەگەنىن قالاي تۇسىنۋگە بولادى؟ سوندا ءبىز قانداي مەملەكەتپىز؟ نەمەسە قانداي مەملەكەت بولۋىمىز كەرەك؟

ءارى قاراي سەناتور ء«بىز ءالى باسقالار سياقتى ەمەسپىز» دەيدى. ساياساتكەر حانىمنىڭ وسى ءسوزىنىڭ استارىنا ۇڭىلسەك ءبىر شىندىقتىڭ بارى انىق.

ودان ءارى  قازاقستان حالقىن، ونىڭ ىشىندە مەملەكەتتى قۇرۋشى قازاق ۇلتىنىڭ پوتەنتسيالدى-ينتەللەكتۋالدى امبيتسياسىن اشىپ كورسەتۋ ءۇشىن «ۆسە گراجدانى كازاحستانا دولجنى ك پرەودولەت، دوستيچ ەتوي تسەلي، ەسلي ۆ سترانە ۆسە ۋمەيۋت  چيتات ي پيسات. نو مى جە نە تاكايا ناتسيا. مى چيتات ي پيسات ۋجە س روجدەنيە موجەم», دەيدى.

ۋكراينالىق ارنانىڭ كەسىپ الىپ كورسەتكەنى وسى بولعانىمەن، سەناتور حانىمنىڭ «بولاشاق» باعدارلاماسى تۋرالى سويلەگەن سوزدەرى ءتۇزۋ شىقتى. ايتكەنمەن ءايتىموۆا حانىم ارىسە ماقتاعان «بولاشاق» باعدارلاماسىنىڭ تۇلەكتەرى قازىر قايدا ءجۇر؟  مەملەكەت قارجىسىنا شەتەل اسىپ كەتكەندەردىڭ قاراسىن كوبەيتۋدىڭ ءتاسىلى ەمەس پە بۇل؟ بۇل ءوز الدىنا بولەك اڭگىمە...

بولاشاقتىق دەمەكشى، بىرعانىم حانىم بىلاي دەپتى: ء«بىز بارلىعىمىز مەملەكەتتىك قىزمەتتە جوعارى لاۋازىمدارعا جەتە المايمىز. مىسالى، مەن بۇگىن-ەرتەڭ ءوز ورنىمدى ەشكىمگە بەرە قويمايمىن. سوندىقتان مەن سەكىلدىلەر ەلدە وتە كوپ».

راس-اۋ، گەرونتوكراتيالىق جۇيە كادرلارى بۇگىن-ەرتەڭ جاستارعا ورىن بوساتىپ بەرۋى ەكىتالاي ەكەنى بەلگىلى. سوندىقتان بىرعانىم حانىمنىڭ ايتقانى اششى بولسا دا شىندىق.

ءسوزىن تۇيىندەگەن سەناتور «كەنەت بىزگە ەكى ۇمىتكەر كەلدى دەلىك. ونىڭ ءبىرى – «بولاشاقتىق»، ەكىنشىسى قاراپايىم مامان. ارينە ءبىز «بولاشاقتىق» ماماندى تاڭدايمىز» (ي ۆدرۋگ دۆە كانديداتۋرى. ون س پراكتيكوي ي ۆدرۋگ – بولاشاكوۆەتس. كونەچنو جە، مى گوۆوريم بولاشاكوۆەتس. ەتو نورما جيزني. ەتو ۆووبششە ناشە جەلانيە وبرازوۆاننىح پريپودنيمات، - دەيدى. سوندا بۇل «الا قويدى بولە قىرىققان جۇنگە جارىمايدىنىڭ» كەرى ەمەس پە؟

نۇرزات توعجان

Abai.kz