Tayauda parlament mәjilisinde mәdeniyet salasyna qatysty zannamagha engiziletin ózgertuler men tolyqtyrular talqylandy. Oghan belgili sayasatker Ámirjan Qosanov ta qatysqan edi. Azamattyq qogham ókilderin parlamenttik júmysshy toptargha tartu ýrdisine baylanysty mәn-jaydy bilu ýshin Ámirjan myrzamen súhbattasqan edik.

–Qoghamdyq manyzy bar әdebiyet degendi qalay týsinesiz? Óziniz biletindey, búdan búryn әdeby kitaptar «әleumettik manyzy bar әdebiyetter» degen ataumen shyghyp keldi. Qoghamdyq, әleumettik degeniniz jatyrlas sózder. Sonda búl zangha ózgertulerding qanday janalyghy ya jaqsylyghy bolady dep oilaysyz?

– Óte qyzyq súraq eken búnynyz. Áriyne, eki sózding týbiri bir. Biraq talqylaugha qatysqanymyz da sol – shynymen de, qoghamgha, әleumetke manyzdy әdebiyetke, sonyng ishinde júrtqa qajet kitaptardy, óner tuyndylaryn qoldau turaly sóz aitugha tyrystyq.

– Talqylaugha Jazushylar odaghyn úzaq jyl basqarghan Núrlan Orazaliyn, mәngilik deputat Quanysh Súltanov, aqyn Múhtar Shahanov, jurnalist Sauytbek Ábdirahmanov qatarly biraz aqsaqaldar qatysty. Jiynnan birde-bir orta jastaghy ya jas qalamgerdi, әnshi, kýishi, suretshi, mýsinshi, muzykantty kórmedik. Osyghan qarap, zangha ózgertuler saqaldy әdebiyet pen saqaldy mәdeniyet, saqaldy óner qayratkerleri ýshin jasalyp jatqanday kórinbey me sizge?

– «Saqal» degen ózi syilaugha túratyn nәrse ghoy. Biraq túrmysta, dastarhan basynda saqal qadirli bolghanymen, sayasatta, qoghamdyq ómirde búl úghymnyng orny bólek: der kezinde oryndy auystyryp túru kerek! Búl sharua bәrine qatysty – auyl әkiminen bastap, elbasyna deyin!

«Shaqyrghan jerden qalma, shaqyrmaghan jerge barma!» deydi atam qazaq. Meni de kópting biri retinde mәjiliske shaqyrdy. Bardym. Kórdim. Ayttym oiymdaghyny. Áleumettik jelide elge saual qoydym, jýzge tarta úsynys aldym, solardy jýielep, mәjilis minbesinen aitugha tyrystym. Mәselen, mesenattyq, yaghny «Qayyrymdylyq turaly» zandy jetildiru, әsirese jeke túlghalargha salyqtyq jәne basqa jenildikter beru turaly kóp aityp jatyr. Biyshiler men sirk әrtisterining zeynetke shyghu jasyn tómendetu jayly talap kóp. «Mәdeny múra» baghdarlamasynyng arqasynda elge kelgen, jariyalanghan tarihy manyzy bar qújattardy ghylymy túrghyda jýieleu, zertteu turaly da әngime bar. Ministrlik aitqan «shetelden basshy mamandar әkelu» iydeyasy qanshalyqty oryndy?

Últtyq telearnalarda mәdeniyetti nasihattau jayy turaly bólek әngime kerek! Búl mәselede túrpayylyq, daraqylyq, tayyzdyq basym! Tereng maghynaly, elding mәdeny jәne intellektualdyq dengeyin tanymal týrde kóteretin arnayy habarlar jetispeydi, sanany serialdandyru prosesi jýrip jatyr!

Sizding súraghynyzdyng jany bar: kelesi talqylaulargha mindetti týrde jastardy shaqyru kerek. Ol turaly men shaqyrushylargha aitamyn! Shynymen de, biz eski standarttarmen jýrgen siyaqtymyz.

– Zangha engiziletin ózgertuler shygharmashylyq odaqtar men birlestikterde shygharmashylyq adamdardyng tolyq qatysuymen talqylanyp, oilaryn ortagha salyp, sosyn sonyng negizindegi naqty úsynystardy ghana shygharmashylyq birlestikter basshylary jiyngha aparghany dúrys bolar edi degen oigha ne aitar ediniz?

– Óte dúrys oi! Jalpy bizge shygharmashylyq úiymdardyng qoghamdaghy orny men rolin qayta qarau kerek! Olarda jan joq! Qoghamda bolyp jatqan oqighalargha, әleumettik manyzdy mәselelerge olar ýn qatpaydy. Júrt «jer» dep, «til» dep shyryldap jatyr. Al jazushylar men basqa óner qayratkerleri júmghan auzyn ashpaydy! Sondyqtan da olardyng qoghamda bedeli joq!

– Sizge 1,5 milliard tengening tóniregindegi әngimeden әdebiyettegi aqsaqaldar bayaghy sovet zamanyndaghy qalamaqyny qayta alatynday kórinip, sol ýshin qalay da osy qarajatty bóludi zangha engizuge úmtylghanday әser qaldyrmady ma?

– Qalamaqy turaly mәselening ózi qyzyq. Sóz joq, qalamaqy kerek. Onsyz jazushy ómir sýre almaydy ghoy. Biraq men mәjiliste mynany aittym: qalamaqy eng aldymen jastargha kerek! Sol qalamaqy arqasynda jas talant ayaqqa túryp alsyn. Óssin!

– Qazaqstanda mәdeniyet, әdebiyet, óner mәselesi talqylanghan jiyndarda aqsaqal aqyn-jazushy, әnshi-kýishi, akter, suretshi-mýsinshiler nege óz jeke shygharmashylyqtarynyn, jeke bastarynyng mәselesin sheship aludy ghana oilaydy?

– Ol súraqty sol aqsaqaldardyng ózine qoyynyz! Bir bastyqqa kirse, elding emes, ózining qara basynyng sharuasyn aityp, ókimet basyndaghylardy aldymen búzyp jýrgen solar ghoy!

– Jiynda qyzylsóz kóp, naqty úsynys az bolghan siyaqty. Sebebi nede dep oilaysyz?

– Jalpy talqylau jaman bolghan joq. Óitkeni zangha engizilip jatqan ózgeristerding asa bir sayasy astary joq, júrt erkin sóiledi.

– Mәdeniyet turaly zandy ishinara ózgertkenmen, ol әdebiyetke, ónerge naqty paydasy tiyip, mәdeniyetting tynysyn ashugha sep bolady degenge senesiz be?

– Otyrysqa barar aldynda Mәdeniyet turaly zannamany zerttep aldym. Zangha konseptualdyq baza jetispeydi. Eng basty mәsele mynada (ol turaly men sol jerde aittym): 25 jyl ishinde biz ertengi úrpaqqa qanday mәdeny múra qaldyramyz? Pafos, sayasy koniunkturagha negizdelgen shygharmalardy ma? Mine, gәp qayda!

Zannyng 8-babynyng 7-tarmaghynda tómengi dengeydegi atqarushy organdardyng ókilettigi jayly bapta tiyisti monitoring turaly aitylghan. Soghan qosarym – Mәdeniyet (qazir sportpen de ainalysatyn) ministrligi men onyng mekemelerining júmysyna tiyisti, obektivti monitoring jasau mehanizmi turaly arnayy bap engizu kerek. Ol funksiyany deputattar óz moynyna aluy kerek! Sonyng ishinde BAQ pen shygharmashylyq odaqtar, tәuelsiz úiymdar men birlestikter bergen bagha boluy shart!

«Mәdeniyet turaly zanda» is-sharalyq aspekt kóp te, teren, ishki iyirimi bar, kózge kórine bermeytin prosester men maqsattar turaly joq deuge bolady. Mәdeniyetti damytu tek qana sheneuniktik diyrektiva kýshimen jýzege aspaydy. Mәdeniyet pen ónerding damuy ýshin ýsh shart oryndaluy kerek!

Aldymen shygharmashylyq bostandyq boluy shart, syrtqy jәne ishki senzurany jong kerek! Konstitusiyada jazylghan tyiymdar jetkilikti. Mәdeny salagha ekonomikalyq stimuldar kerek! Ol óz aldyna bólek bir әngime. Sonyng ishinde jeke menshik týrin meylinshe qoldau qajet, әitpese bizde bәri tym memlekettendirilip (yaghni, sheneuniktelip!) ketken!

Órkeniyettik standarttardy engizu kerek, mәselen, damyghan elderde mәdeniytet salasyn qarjylandyrugha jalpy ishki ónimning belgili bir payyzyn bólu dәstýri bar. Biz nege solay jasamaymyz?! Bir nәrse aiqyn da anyq: mәdeniyet – bastyqtar aldynda qoyylatyn gala-konsert emes. Ol – mýldem basqa dýniye! «Mәdeniyet» sózine ruhany reabilitasiya kerek! Ony beysayasilandyru kerek! Sayasat – ótkinshi, mәdeniyet, әdebiyet pen óner – mәngilik!

– Siz aqynsyz. Kezinde «Júldyz» jurnalynda Múhtar Maghauin jana lepti jas aqyn-jazushylar turaly jazyp, onda sizding de atynyzdy ataghanyn bilemiz. Kitap shygharu josparynyzda bar ma?

– Bar! Jaqynda shygharamyn...

- Qynyr saualdargha qisyndy jauap bergeninizge rahmet!

Súhbattasqan - Ómirjan ÁBDIHALYQÚLY, jurnalist

abai.kz