Qazaqstan Futbol federasiyasynyng Preziydenti

 S.IY.Bayshaqov myrzagha

AShYQ  HAT

Qúrmetti  Seyilda Ikramúly!

Biz - qostanaylyq bir top futbol jankýier, «Tobyl» komandasynyng kapitany Núrbol Júmasqaliyevti komandadan alastatyp otyrghan klub basshylyghy men bas bapker Omary Tetradzening asyghys qabyldaghan sheshimine narazylyq bildiremiz.

Núrbol Júmasqaliyev – 2000 jyly el futbolyna ózindik oiyn órnegimen kelgen  talantty oiynshy. Sodan beri qostanaylyq futbolshynyng esimi halyq arasynda  anyzgha ainalyp ýlgerdi. Onyng osy on alty jylda jetken jetistikteri az emes. Mәselen, 2010 jyly el chempiony atandy. 2003, 2005, 2007, 2008 jyldary Qazaqstannyng viyse-chempiony, al 2002, 2004, 2006 jj chempionattyng qola jýldesine ie boldy. 2007 jyly Qazaqstan Kubogynyng iyegeri. Sol jyly Intertoto Kubogyn jenip aldy. 2011 jyly astanalyq «Lokomotiyv» sapynda Qazaqstannyng Superkubogyna qol jetkizdi. 2005, 2010 jj QFO-nyng núsqasy boyynsha elimizding ýzdik futbolshysy, 2003, 2010  jj Goal jurnalynyng núsqasy boyynsha ýzdik futbolshy atandy.  2001, 2003, 2004, 2005 jyldary Qazaqstannyng eng ýzdik jartylay qorghaushysyna beriletin syilyqty jenip aldy.

Ol Qazaqstanda bir ghana komanda sapynda 100-den artyq dop soqqan jalghyz futbolshy. Býginde Núrbol Júmasqaliyev elimizdegi eng kóp goldyng avtory retinde belgili (167 dop). Júmasqaliyev esimi әldeqashan «Tobyldyn» ekinshi atyna ainaldy. Onyng basty simvoly desek, artyq emes.

Últtyq qúrama men Qostanaydyng «Tobylyna» ólsheusiz ýles qosqan múnday әmbebap oiynshynyng әli de otandyq  futbolgha bereri mol. Oghan biz esh shýbәsiz senemiz.

Ras, Núrbol biyl 35 jasqa toldy. Biraq, búl futbol ýshin qolaysyz jas emes qoy. Qazaqstan futbolynda odan jasy ýlkender әli de dop teuip jýr jәne olardyng jastargha berer tәjirbiyesi mol. Tipti, 1998 jyly «Tobyl» komandasynda 42 jastaghy Petr Didyk degen futbolshynyng oinaghanyn bilemiz. Odan keyin de el chempionatynda qanshama «jasy kelgen» futbolshylar jýrdi. Olardyng kóbisi qazaqstandyq futbolgha dәl osy Núrbolday enbek sinire alghan joq. Núrbol Júmasqaliyev-shyn mәninde tuma talant, erekshe qabilet iyesi. Múny eshkim joqqa shyghara almaydy.

Núrbol Qazaqstan chempionatynan tysqary, Reseyding top-komandalarynda dop tepse de, óz jolynan janylyspaytyny anyq edi. Oghan ana bir jyldary Mәskeuding «Spartak» komandasynan shaqyru týskenin bilemiz. Alayda, Núrbol Júmasqaliyev óz elinde qaludy úighardy. Ol Qostanaygha әbden siniskeni sonsha, 17 jasynda kelgennen «Tobyldy» Qazaqstan chempiony etkenshe,komandadan alysqa úzaghan joq. Tek, 2011 jyly, bir mausym ghana Astananyng «Lokomotiyv» komandasynda oinady. Onyng ózinde  komandanyng úzaq jyldar boyy qalyptasqan qúramyn әri - sәri kýy keshtirgen reseylik bapkerding kesirinen ketuge mәjbýr boldy. Aypaqshy, sodan beri qostanaylyq komandanyng jaghdayy onalghan joq. Komanda sapynda bir-birining oiyn-órnegin, qimyl-әreketin kózben oqyp, jazbay tanityn  kóptegen myqty futbolshylar basqa komandalargha auysyp ketti. Olardyng ornyn basqandar әli kýnge deyin el chempionatynda ense tiktey alar emes. Sonda jyldar boyghy jýrgizilgen seleksiyalyq júmystardyng nәtiyjesi qayda?! «Tobyl» tórtinshi jyl qatarynan turnir kestesindegi ekinshi altylyqtan shygha alar emes. Múny klub basshylyghy naqty týsindirip bere almaydy. Óitkeni, jylda syrttan shaqyratyn futbolshylardyng denining  dengeyi ortadan tómen oiynshylar. Bizdegi ayaq-dopqa tәn eng bir jaman әdet - Reseyding ortanqol komandalarynan shyghyp qalghan sheteldik futbolshylardy әkep toghyta beredi. Búdan Qazaq futbolynyng dengeyi kóterilgeni shamaly. Osynday bir top «Tobyldyn» qúramynda da ilinip-salynyp jýr.  Olardan eshqanday qayyr joq ekendigin klub basshylyghymen ótken talay kezdesude aitqanbyz. Ókinishke qaray, klubtyng qazirgi diyrektory Talghat Baymúratov sózimizge eshqanday qúlaq asqan emes. Ol klubqa jauapty bolsa, biz de komandanyng tәuir oinaghanyn qalaymyz. Janymyz ashidy.

 Qúday biledi, «Tobyl» aldaghy jyly da naqty nәtiyje kórsete almasa, onda Omary Tetradzening ornyn saqtap qaluy neghaybyl. Al Núrbol Júmasqaliyev tughan komandasyn algha sýirep, sandaghan jyldar onyng jýldegerler sanatynan kórinuine sep boldy. Qysqasy, komandada bas bapkerler birneshe mәrte auystyrylghanmen, Núrbol eshqayda moyyn búrghan joq. Áytpese, ony attay qalap alghysy kelgen komandalar shoghyry әli de jetip artylady.

Áneukýngi bir súqbatynda Núrboldyng ózi kelesi jana mausymda da «Tobyl» sapynda oinaghysy keletinin aitqan. Alayda, oghan klub basshysy T.Baymúratov pen bas bapker O.Tetradze mýmkindik bermedi. Jaqynda ghana N.Júmasqaliyevting komandada qaluyn qalaytyn bir top jankýier (500-ding syrtynda) Sizding jәne klub basshysy T.Baymúratovtyng atyna hat joldaghanyn bilemiz. Yaghni, búl jaghdaydan Sizding habarynyz boluy bek-mýmkin. Al sonyra jankýierlerding bir toby klub diyrektorymen kezdesti. Baymúratov myrza kezdesuge kelgenderdi aldarqatyp, eki úshty jauap berumen shektelgen. «Búl mening emes, bas bapkerding sheshimi. Men klubtyng qarjylyq jaghyna ghana jauap beremin» dep qútylghan. Au, sonda, búl qalay? O zamanda, bú zaman, bildey bir klubtyng diyrektoryna oiynshylardyng taghdyry oiynshyq bolghany ma?! Kerisinshe, kez kelgen futbolshyny komandagha alu,almau turaly basshylyq  bas jattyqtyrushymen birlesip sheshpeushi me edi? Tipti, N.Júmasqaliyevpen aradaghy kelisim-sharttyng merzimi ayaqtalghan jaghdayda, ony nege futbolshynyng ózine kózbe-kóz aitpaghan, nege aldyn-ala eskertpegen? Týsiniksiz. Núrboldyng ózi klub basshylarynyn  sheshimi turaly internetten oqyp, bildim dep otyr. Sonda bizdegi futbol sayasatynda kez kelgen kelisim yaky bireudi ornynan ketiru syrttay jasala beretin bolyp túr ghoy. Búl degeniniz naghyz bassyzdyq emey ne?!

 Nemese, «Tobyldy» jattyqtyrghangha deyin Taldyqorghannyng «Jetisuyn» úshpaqqa úshyrmaq týgili, dinkeletip qúrtqan, artynsha Resey asyp, ol jaqta da ondy istey almay, Qazaqstangha qayta oralghan O.Tetradzening Qostanaygha qay enbegi sinipti?! Onday bapkerge biyligi jýrmeytin klub diyrektorynyng ózi nege ornyn bosatpaydy?! «Tobyl» ýshin sol tiyimdirek bolar edi.

Biz múnyng bәrin ashynghannan aityp otyrmyz. El futbolyn damytamyz desek, Núrbol siyaqty qúiynperen, soqqysy joyqyn oiynshylardyng tәjirbiyesine arqa sýiemeske bolmaydy. 

Klub basshylyghy futbolshyny «Tobyldyn» jattyqtrushylyq shtabyna qaldyrghysy kelgenin aityp aqtalypty. Oghan Núrboldyng ózi kelispepti-mys. Biluimizshe, jaghday Baymúratov aitqanday emes. Diyrektor Núrboldy komandadan tys, klub janynan qúrylghan jasóspirimderding «Derbiy» komandasyna bapker bolyp barudy úsynghan. Aylyghy 85 myng tenge! Apyr-ay, osynday da qorlau bola ma? Óziniz oi-tarazysyna salyp, bezbendep kórinizshi. Ári-beriden song búl mazaq emes pe!

Qazaqstan futbolynyng jaryq júldyzy retinde Júmasqaliyevti «it qudy etpey», jap-jaqsy shygharyp saludyng joly kóp edi ghoy. Aqyry, komandada qaldyrghysy kelmegen eken, shaqyryp alyp, sypay týrde qoshtassa, Baymúratov taghynan týsip qala ma?!

Mausym ayaqtalar tústa N.Júmasqaliyev QFO atqaru komiytetining sheshimimen 7 matchqa shettetilip edi ghoy. Búl mәseleni de futbolshynyng ózi klub basshylyghynyng kómeginsiz, 2 matchqa deyin qysqartugha qol jetkizipti. Shyn mәninde onyng búl qadamy qúptarlyq.  Naghyz azamattyq! Aldaghy jyly da tughan komandasynan irge ajyratqysy kelmegeni. Jany ashyghandyq.

Áriyne, Núrbol Júmasqaliyev «Tobyldan» kettim eken dep, qarap jatpasy anyq. Biraq, taghy da aitayyq, onyng Qostanay futbolyna qosqan ýlesi klub basshylyghynyn  tosyn qabyldaghan sheshimine layyqty emes.

Sondyqtan Qazaqstan Futbol Federasiyasy tarapynan osy mәselege qatysty ong sheshim qabyldaydy dep, ózinizding atynyzgha hat joldap otyrmyz. Bizding ýmitimiz tek Sizde ghana, qúrmetti  Seyilda Ikramúly.

Qostanaylyq bir top jankýierlerding atynan,

Serik Baynazarúly

Abai.kz.