Islam Karimovtyng qyzy Gýlnara Karimova qaytys bolypty. Búl turaly ÓR ÚQK qyzmetkeri mәlimdegen. Inozpress.kg derekterine  nazar audarsaq Gýlnarany әldekimder ulap óltirgen. Oqigha 5-qarashada bolghan-mys.

Desek te Ózbekstannyng qúzyrly organdary 44 jastaghy Gýlnara Islamqyzynyng qazasy turaly naqty aqparat bermegen. Úzyn-qúlaqtyng aituynsha eks-preziydentting qyzy Tashkenttegi «Minor» beyitine jerlenipti.

Gýlnaranyng joghalyp ketuine qatysty әleumettik jelide әrqily әngime aityluda. «Tvitter» jelisinde «Gýlnarany kórsetinder» degen top qúrylyp, Ortalyq Aziyadaghy BAQ ókilderin, Halyqaralyq sarapshylardy Gýlnaranyng tiri ne óli ekenin anyqtaugha shaqyrghan. Áleumettik jeli qoldanushylary «Gýlnara Karimova tiri bolsa, júrt aldyna shyqsyn ya bolmasa beyne joldau jasasyn» degen úrandar aituda.

Al Gýlnara Karimovanyng atynan týrli akkaunttar ashylyp, Onyng tiri ekenin aityp, eski suretterdi salyp otyrghandardyng birsypyrasyn «Azattyqtyn» ózbek qyzmeti anyqtaghan. Búl júrt ishinde preziydentting qyzy qaytys bolypty degen kýmәndi odan sayyn órshite týsken. Al Ózbekstan Preziydentining apparaty búghan qatysty «lәm-miym» demepti.

Sonymen Ózbekstan Hanshayymy tiri me, әlde...

Gýlnara Karimova Ózbekstandaghy yqpaldy adamdardyng biri. Tipti 2013 jyly Europadaghy jemqorlyqqa qatysty janjalda dәl osy Gýlnaranyng aty atalyp qalghan-tyn. Shveysariyada onyng esep-shoty tәrkilendi. Ol kezde «TeliaSonera» shved-fin telekommunikasiyalyq kompaniyasynan Ózbekstan aumaghynda júmys jýrgizuge rúqsat bergen. Sol ýshin 320 million dollar kóleminde syiaqy alghan. Sóitip, Gýlekeng Europagha kiruge mýlde bolmaytyndardyng sapyna kirdi.

Songhy jyldary qoly qysqaryp, Tashkentten úzap shygha almaghan Gýlekeng ózining anasy Tatiyanany, sinilisi Lola men ÓR ÚQK keybir dókeylerin aiyptap, әleumettik jelide soghys ashty. Ózbekstan Preziydentining kreslosyna talas-tartystyng bastalghanyn da dәl osy Gýlnara aitqan bolatyn. Eng soraqasy Gýlekeng ózining ómirine qauip tóngenin jәne taqqa talasta qarsylastary ony óltiruden tayynbaytynyn aitypty. Sóitken Gýlekeng endi iz-týssiz joghalyp ketti.

2014 jyly Gýlekenning Tashkenttegi ýiin arnayy jasaq basyp kirgen-tin. Ol kezde kýieui Rustam Madumarov, biznes-seriktesi Gayane Avakyan týrmege toghytylyp, ózi men balalary ýy qamaqqa alynghan.

Ýy qamaqtaghy Gýlnara alghashqy uaqyttarda aragidik BAQ-qa súhbattar berip, ózining bar ekenin әm tiri ekenin bildirgenimen, 2015 jyldan beri mýlde kórinbedi.

2-qyrkýiek kýni Islam Karimovtyng qazasyna Gýlnara men onyng balalary kelmedi. Jerleu rәsimi Samarqanda ótken-tin. Al Ózbekstannyng atqarushy әm bolashaq preziydenti Shavkat Mirziyeev Parlamentte Karimovtyng qazasyna kónil aitqanda Gýlnaranyng esimin mýlde atamapty. Qúddy Islam atanyng jalghyz qyzy bolghanday.

Núrzat Toghjan

Abai.kz