Qazaqstan preziydenti Núrsúltan Nazarbaev býgin, Qazaqstanda alghash ret atap ótilip jatqan Alghys aitu kýni әriptesterinen keshirim súrady dep habarlaydy Azattyq sayty jergilikti agenttikterge silteme jasap.

Býgin Astanada alghys aitu kýnine oray úiymdastyrylghan sharada Nazarbaev qazaqstandyqtardy alghys aitu kýnimen qúttyqtap, búl kýnning mәni bar ekenin aitty. Ol kóp elde "tynyshtyq ketip, qaqtyghystar bolyp jatqandyqtan" dәl qazir qazaqstandyqtar bir-birine qoldau kórsetkeni ýshin alghys bildirip, bir-birine qúrmet kórsetui keregin aitty. Nazarbaev búghan qosa, osynday baytaq jer qaldyrghan ata-babalargha alghys aitu kerek ekenin bildirdi.

"Eger ókpe-renish bolsa, kónilge tiyetin sózder aitylsa búl kýni keshiruge bolady. Býgin men tanerteng әriptesterimnen renjitip, sókken bolsam keshirulerin súradym" dedi Nazarbaev.

Qazaqstanda Alghys aitu kýnin atap ótu 2016 jyly 15 qantarda preziydent Núrsúltan Nazarbaevtyng jarlyghymen bekitilgen.

Núrsúltan Nazarbaev 2015 jyly 23 sәuirde Qazaqstan halqy assambleyasynyng 22-sessiyasynda Qazaqstandaghy halyqtardyng bir-birine jәne qazaqtargha alghys bildiru kýnin atap ótudi úsynghan. Nazarbaev stalindik rejim kezinde Qazaqstangha myndaghan ózge últ ókilderi deportasiyalanyp, qazaqtardyng olardy jatsynbay, qabyldaghanyn aitqan.