Baspasózde badyraytyp jazbasaq ta el birligi men últ tútastyghyn oilaytyn azamattardyng qabaghyna kirbing úyalatyp jýrgen bir mәsele bar. Ol – rulyq, aimaqtyq erekshelik pen kemshilikti әldekimderding әdeyi qozdyryp túratyndyghyna sayatyn mәsele. Búl jayynda sәl keyinirek. Ángimemizge kirispes búryn Qazaqstan Respublikasynyng Qylmystyq kodeksinde qarastyrylghan «Áleumettik, últtyq, rulyq, nәsildik nemese diny arazdyqty qozdyru» atty 164-bapqa toqtalyp óteyik.

Osy baptyng birinshi tarmaghynda «Áleumettik, últtyq, rulyq, nәsildik, diny arazdyqty nemese alauyzdyqty qozdyrugha, azamattardyng últtyq ar-namysy men qadir-qasiyetin ne diny sezimderin qorlaugha baghyttalghan qasaqana is-әreketter, sol siyaqty azamattardyng dinge kózqarasyna,tektik-toptyq, últtyq, rulyq nemese nәsildik qatystylyghy belgileri boyynsha olardyng airyqshalyghyn, artyqshylyghyn nemese kemdigin nasihattau, eger osy әreketter kópshilik aldynda nemese búqaralyq aqparat qúraldaryn paydalana otyryp, sol siyaqty әleumettik, últtyq, nәsildik, diny arazdyqty nemese alauyzdyqty nasihattaytyn әdebiyet pen ózge aqparat jetkizgishterdi taratu jolymen jasalsa, bir myng ailyq eseptik kórsetkishke deyingi mólsherde aiyppúl salugha ne eki jylgha deyingi merzimge týzeu júmystaryna ne jeti jylgha deyingi merzimge bas bostandyghynan aiyrugha jazalanady» dep jazylghan.

Osy 164-bap boyynsha, әleumettik, últtyq, rulyq, nәsildik, diny arazdyqty nemese alauyzdyqty qozdyru, yaghny tórt mәsele qaralady.

Atalghan 164-bap boyynsha, osy uaqytqa deyin әleumettik, últtyq jәne diny arazdyqty nemese alauyzdyqty qozdyrdy degen aiyppen kóptegen adamdardyng ýstinen qylmystyq is qozghalyp, keybiri sottaldy da. Olardyng ishinde eng belgilileri, el ishinde kópshilikting nazaryn audarghany Nataliya Sokolova, Vladimir Kozlov, Bolat Atabaev, Serik Saparghali, Janbolat Mamay, Ghabit Qúrmanqúl, Tatiyana Shevsova-Valova, Sәken Baykenov isteri, taghysyn taghylar.

Alayda osy jerde «rulyq arazdyqty nemese alauyzdyqty qozdyru» degen mәsele nazargha alynbaydy.

Al shyn mәninde el arasynda kýndelikti ómirde rulyq alauyzdyqty әdeylep qozdyrushylar, narazylyq tudyrushylar az emes. Áleumettik jelilerde de belgili bir rulardy dәripteu barshylyq. Múnyng ózi qazaq últyn bólshekteu men bir-birine qarsy qongdyng әreketi ekeni anyq.

Sonymen birge, aimaqtyq bólinisterdi qozdyrushylar, mәselen, soltýstik oblystardan shyqqan adamdar men ontýstik oblystyng adamdary arasyndaghy narazylyqty әdeyilep qozdyru da qazaqtyng tútastyghyn búzu men qazaqtar arasyndaghy jikteluge baghyttaytyn jazbalar, әngimeler jii úshyrasady. Alayda, onday adamdargha atalghan 164-bap qoldanylmaydy. Nege?

Qazaq últynyng birligi men tútastyghyn saqtau men nyghaytu ýshin rugha, jerge baylanysty alauyzdyq tughyzushylar da jauapqa tartyluy kerek dep esepteymin.

Sizder qalay oilaysyzdar?

Maqsat ILIYaSÚLY

Abai.kz