Ukrainagha qarasty Qyrym avtonomiyasy jәne Sevastopoli qalasyn Reseyding basyp alghanyna jyl toldy.

Ótken jyly Ukrainanyng sol tústaghy sayasy biyligine qatysty halyq narazylyghy sheruge úlasyp, onyng sony Yanukovichting biylikti tastap, Reseyge qashyp ketuimen ayaqtalghan edi. Osy tústa Resey "orys últy ókilderin" qorghau degen jeleumen Qyrymgha әsker kirgizip, aqyry referendum ótkizip, "halyq tandauy - osy qyrymdyqtar Reseyge qosyludy qalaydy" degen qorytyndy shygharyp, Qyrymdy basyp alghan edi. Álemdik qauymdastyq Reseyding búl isin Ukrainanyng territoriyalyq tútastyghyna qol súqty dep әli kýnge deyin aiyptaydy. Alayda, Reseyding resmy biyligi Qyrymnyng Reseyge qosyluy tarihy әdilettilik dep esepteydi. Jәne solay ekenin mәlimdeumen keledi.

«Rossiya 1» telearnasynan kórsetilgen Andrey Kondrashovtyng «Qyrym. Otangha oralu joly» dep atalatyn derekti filimde RF preziydenti Putin Qyrymdy basyp alu operasiyasyn tikeley ózi baqylap, jýzege asyrghanyn aita kelip, Qyrymdy basyp alugha әskery kýsh qoldanghanyn, Ukraina territoriyasyna basyp kiru ýshin Federasiya Kenesining kelisimin aludyng da qajeti bolmaghanyn aitady. Búl turaly bbc.co.uk jazady.

Osylaysha, XXI ghasyrda Resey ózge elding territoriyalyq tútastyghyn "orys últy ókilderin qorghau" degen jeleumen op-onay búzyp, betperde kiygen әskery kýshpen basyp ala alatynyn kórsetti.

Reseyding búl әreketi Sovet ókimetinen Tәuelsizdik alghan kóptegen elderdi shoshytyp, әlemdik qauymdastyqty tiksindirdi.

Abai.kz