Aqtóbe oblystyq qylmystyq ister jónindegi mamandandyrylghan audanaralyq sotynyng sudiyasy Ahmetqaly Moldaghaliyev "múnay úrlaumen ainalysqan qylmystyq top basshysy" delingen Erkin Izbasardy 12 jylgha bas bostandyghynan aiyru jәne mýlkin tәrkileu jazasyn kesti.
Erkin Izbasardyng senimdi serigi dep sipattalghan Auhat Qaliyevke 11 jylgha bas bostandyghynan aiyru jәne mýlkin tәrkileu jazasy kesildi.
Sottalushylar arasynda oblystyq ishki ister departamenti basshysynyng búrynghy orynbasary Rahat Ahanov ta bar. Sot ony 5 jyl ýsh ay bas bostandyghynan, polkovnik sheninen jәne ómir boyy qúqyq qorghau salasynda enbek etu qúqynan aiyrugha ýkim kesti.
Bir sottalushy qylmys jasalu merzimining ótip ketuine baylanysty qylmystyq jauapkershilikten bosatyldy. Taghy bir sottalushy eki jylgha bas bostandyghy shektelip, raqymshylyqpen bosady.
Qalghan 21 adam 3 jyldan 11 jylgha deyingi merzimge sottaldy. Keybir sottalushylargha raqymshylyq jasalyp, jaza merzimi bir jyldan eki jylgha deyin azaytyldy.
Erkin Izbasardyng advokaty Mәdy Myrzagharaev sot ýkimi "tym qatan" ekenin aityp, apellyasiyalyq shaghym týsiretinin mәlimdedi.
Erkin Izbasar men onyng serikterine taghylyp otyrghan ýlken aiyp – múnay úrlyghy. Sot materialdary boyynsha, olar "Saghyz Petroleum" kompaniyasyna qarasty "Qaghanay" kenishinen 2015 jylghy mausym-qyrkýiek aralyghynda 530 tonna múnay úrlaghan. Úrlanghan múnay qúny 11 million 302 myng tenge ekendigi aitylady. Odan bólek, Bayghanin audanyndaghy "Ashykól", Múghaljar audanyndaghy "Siynelinikovskoe" kenishi men Bayghanin audanyndaghy "Qaratóbe" kenishinen de әr jyldary asa kóp mólsherde múnay úrlanghan.
"Qylmystyq topqa jetekshilik etken" birinshi top mýgedegi Erkin Izbasar búryn da sottalghan. Ol alghash ret 2003 jylghy nauryzda "bopsalau" aiyby boyynsha sottalyp, jeti jylgha bas bostandyghynan aiyrylghan. Bir jyldan song bostandyqqa shyqqan. Al 2008 jylghy sәuir aiynda Izbasargha Qylmystyq kodeksting "úiymdasqan qylmystyq top qúru jәne oghan jetekshilik etu", "zansyz qaru, oq-dәri saqtau, tasymaldau jәne ózimen alyp jýru", sonymen birge "zansyz esirtki saqtau, satyp alu, satu jәne tasymaldau" baby boyynsha aiyptar taghylghan. Sot ýkimimen ýsh jylgha bas bostandyghynan airylghan Erkin Izbasar 2010 jylghy qantarda merziminen búryn bostandyqqa shyqqan. Al búl joly tergeu ony Qylmystyq kodeksting 13 týrli baby boyynsha aiyp taqty.
Abai.kz
