Qyrkýiekting 15-inde Qazaqstanda emhanagha tirkelu nauqany bastaldy. Eki aigha sozylatyn jyl sayynghy dәstýrli kompaniya 15-qarashada ayaqtalmaq.

«Nauqannyng maqsaty - qaralyp jýrgen emhanasyna kónili tolmaytyn azamattargha emdeu mekemesin auystyrugha mýmkindik beru. Sonday-aq, búl shara rynokqa janadan qosylghan medisina úiymdarynyng keler jyly halyqqa qyzmet kórsetuge tapsyrys aluyna jaghday jasau maqsatynda ótkiziledi, - dedi Áleumettik medisinalyq saqtandyru qory basqarma tóraghasynyng mindetin atqarushy Botagóz Jaqselekova. - Byltyrghy tirkeu nauqany barysynda 300 mynnan astam qazaqstandyq azamat emhana tandau qúqyghyn paydalanghan bolatyn. Búl aldynghy jyldardaghy kórsetkishterden eki ese kóp. Jәne tirkeu kampaniyasyna degen qyzyghushylyqtyng artqanyn, azamattardyng atalghan nauqan turaly ghana emes, emhanany erkin tandau qúqyghy jayly da bile bastaghanyn bildiredi».

Otbasylyq qyzmet kórsetu jәne medisinalyq-sanitarlyq kómekting qoljetimdiligi prinsipterin iske asyru ýshin emhananyng ýige jaqyn manda bolghany dúrys. Búl ýide bireu auyryp, ózin jaysyz sezingen jaghdayda dәrigerlerding jedel kómek kórsetuine mýmkindik beredi. Sonymen qatar, jedel jәrdem jýiesinde jasalghan songhy reformalardy eskersek múnyng manyzy arta týsedi. Sebebi búdan bylay 4-sanatqa jatqyzylatyn shaqyrtulargha jergilikti emhanalar qyzmet kórsetedi.

Oghan qosa, dәrigerlerge týsetin jýkteme men emhanalardaghy kezekti azaytu maqsatynda tirkeu shegi belgilenip otyr. Ol boyynsha 1 jalpy praktika dәrigerine tirkeletin adam sany 1700-den aspauy tiyis. Búryn bizde bir dәriger 2000 adamgha qyzmet kórsetetin.

«Búl jana uchaskelerding ashyluyna týrtki bolady dep ýmittenemiz. Jәne búl mәselede medisina biznesi ókilderi belsendilik tanytady dep senemiz. Byltyrghy jyldyng ózinde qormen kelisimshart bekitken jetkizushiler sany edәuir artty, - dedi MSQ strategiya jәne әdisnama jónindegi basqarushy diyrektory Serik Tәnirbergenov. - Qazirgi tanda Qordyng jetkizushiler tiziminde 1365 medisina úiymy bar. Onyng 623-i - jeke menshik. Búl 2017 jylmen salystyrghanda eki ese kóp. Al, 2019 jyly olardyng sany taghy 10 payyzgha artady degen boljam bar».

MSQ mәlimetinshe, emhanagha ýsh týrli jolmen tirkeluge bolady. Naqtyraq aitqanda, tandap alghan medisina úiymyna tikeley baryp, elektrondy ýkimet portaly arqyly onlayn rejiyminde jәne Halyqqa qyzmet kórsetu ortalyqtary arqyly tirkele alady.

Emhana arqyly tirkelu ýshin jeke kuәlik pen bas dәrigerding atyna jazylghan ótinish talap etiledi. Al, egov.kz portaly arqyly tirkelu ýshin jýiege kirip, elektrondy ótinimdi toltyrasyz. Qyzmetting nәtiyjesi ótinish berushining Jeke kabiynetine joldanady. Halyqqa qyzmet kórsetu ortalyqtary arqyly tirkelu ýshin Connection Points bólimining qyzmetin paydalanugha bolady.

Halyqty tirkeumen ainalysatyn emhanalardyng tizimi Áleumettik medisinalyq saqtandyru qorynyng fms.kz saytyndaghy «Klinika tandau» bóliminde ornalasqan. Biylghy tirkeu nauqanyna bastapqy medisinalyq-sanitarlyq kómek kórsetetin 580 úiym qatysyp jatyr.

Abai.kz