Сырбойылық бұрымдылар олжалы оралды
Ресейдің Қазан қаласында белбеу күресінен ерлер мен әйелдер арасында өткен Әлем чемпионатында қызылордалықтар жеңіс тұғырынан көрінді, - деп хабарлайды Абай-ақпарат.
Атап айтқанда, сырбойылық Диана Ғайбулла (52 келі) күміс жүлдені қанжығаға байласа, Арайлым Қанзада (58 келі) мен Меруерт Абубакир (+76 келі) қола жүлдеге ие болды.
Талантты спортшылар №8 олимпиадалық резервтің мамандандырылған балалар-жасөспірімдер мектебінде тәлім алады. Жаттықтырушылары – Аслан Нұрқожаев пен Əбдусаттар Садықов.
Abai.kz
