Елімізде тоғызыншы адамнан коронавирус анықталды. Бұл туралы ҚР ДСМ ресми өкілі Диас Ахметшәріп хабарлады.

"Алматыда коронавирусқа қатысты тағы бір сараптаманың нәтижесі шықты. Қауіпті вирус анықталды. Ол 2008 жылғы қыз бала. Бізге Германиядан ұшып келген. Қазіргі уақта Алматыда қауіпті вирус жұқтырғандар саны 7 адам. Ал Нұр-Сұлтанда 2 адам", деді Диас Ахметшәріп.

Естеріңізге сала кетейік, осыған дейін тағы бір қазақстандықтан коронавирус белгілері анықталған. Ол қазір Германияда.

Қазіргі таңда 1644 адам стационарлық, ал 628 адам өз үйлерінде карантинге жатқызылған.

Ал бүгін ҚР Президенті Қасым-Жомарт Тоқаев Қазақстанда Төтенше жағдай жариялаған еді.

Abai.kz