Елімізде оныншы адамнан коронавирус анықталды. Бұл туралы ҚР ДСМ  ресми өкілі Диас Ахметшәріп хабарлап айтты.

Қауіпті вирус жұқтырған адам 1986 жылғы қыз бала. Ол 15 наурызда Алматы-Ыстамбұл рейсімен ұшып келген.

Айта кетейік, осыған дейін елімізде тоғызыншы адамнан коронавирус анықталғаны айтылған. Олардың жетеуі - Алматыда, екеуі - Нұр-Сұлтанда. Тағы бір қазақстандық Германияда.

ҚР ДСМ мәліметінше, қазіргі таңда 1641 адам стационарлық, 981 адам өз үйлерінде карантинге жатқызылған.

Сондай-ақ, "ҚазМұнайГаздың" екі қызметкері коронавирус жұқтыруы мүмкін деген. Оның біреуі қаіпті вирус жұқтырған адаммен бірге бір ұшақта болған. Олар Франкурттан Нұр-Сұлтанға ұшып келген. Ал екінші адам сол бортпен Нұр-Сұлтаннан Алматыға ұшқан. Кейін екі азаматтың да тестерінің нәтижелері жарияланған. Вирус белгілері анықталмаған.

Ал кеше Қазақстан президенті Қасым-Жомарт Тоқаев ел аумағында Төтенше жағдай жариялады.

Abai.kz