Елімізде тағы үш адамнан коронавирус анықталды. Олар Алматыда. Бұл туралы ҚР ДСМ Қызмет, тауарлардың сапасы мен қауіпсіздігін бақылау Комитеті мәлімдеді.

"2020 жылдың 17 наурызындағы, сағат 09:00 бойынша коронавируске қатысты эпидемиологиялық жағдай туралы. Алматыда тағы үш адамнан коронавирус инфекциясы анықталды", делінген хабарламада.

Бірінші адам - 2018 жылы туған қыз бала. Ол 13 наурыз күні Берлин-Минск-Алматы рейсімен ұшып келген. Қазір Алматыда Балалар жұқпалы аурулар ауруханасында.

Екінші адам - 1966 жылы туған ер адам. Ол 10 наурыз күні Мәскеуден ұшып келген.

Үшінші адам - 1956 жылы туған ер адам. Ол да Мәскеуден ұшып келген.

Қауіпті вирус қазіргі таңда Қазақстан аумағында 13 адамнан анықталды. Олардың 11-і Алматыда, 2-еуі Нұр-Сұлтанда.

Коронавирус белгілері анықталған тағы бір қазақстандық Германияда емделіп жатыр.

Abai.kz