Нұр-Сұлтандағы қауіпті вирустан қайтыс болған әйелмен жақын қатынаста болған тағы 7 адам Алматы облысында анықталған.

Алматы облысы әкімдігінің баспасөзінің хабарлауынша, марқұммен байланыста болған Алматы облысының тұрғындары қазір карантинге жатқызылған.

"Марқұммен тікелей байланыста болған 7 адамды анықтадық. Олардың барлығы оқшауландырылып, арнайы сараптамалар жасалды. 27 наурызда 4 сараптаманың қорытындысы шықты. Тексеру нәтижесінде вирус белгілері анықталған жоқ. Дегенмен, олар әлі бақылауда (карантинде) болады. Қалған 5 адамның сараптамалары тексерілуде. Нәтижесін қосымша хабарлаймыз", - делінген сараптама қорытындысында.

Естеріңізге сала кетейік, 26 наурыз күні Нұр-Сұлтан қаласында 64 жастағы әйел коронавирустен қайтыс болғаны хабарланған. Кейін анықталғандай, марқұм Алматыға құдалыққа келіп-кеткен екен. Ал ол құдылақта Алматы облысының да азаматтары болған.

Алматы облысы азаматтарының арасында марқұммен тікелей байланыста болған жалпы 9 адам анықталды. Бұл 9 адаммен байланыста болғандар да түгел анықталған. Олар қазір карантинде.

Abai.kz