"Олардың басым көпшілігі – өз еркімен барғандар. Қорғаныс министрлігі мен Қарулы күштердің Бас штабы әскери полицияның көмегімен шақыртылған запастағы әскерилердің гигиеналық және санитарлық тазалықты ұстануын қатаң қадағалайды. 4 сәуірден бері тұрғындарға запастағы әскерилерді шақырту жөнінде түсіндіру жұмыстарын жүргізу бойынша облыстардағы Қорғаныс істері жөніндегі департаменттердің көмегімен 18 саll-орталық ашылды. Онда күн сайын мыңдаған қоңырау түседі", - деді Серік Боранбаев.

Қазақстан президенті Қасым-Жомарт Тоқаев 2 сәуірде “әскери міндеттілерді арнайы жиынға шақыру” туралы жарлық шығарды.

Жарлықта “Қазақстан қарулы күштерінің аумақтық әскерлерін жасақтау үшін әскери міндеттілер арнайы жиындарға шақырылсын” деп жазылған.

10 сәуірдегі ақпарат бойынша, Қазақстанда коронавирус жұқтырғандар 802 адам болды. 61 адам дерттен айықты. Тоғыз адам Covid-19 дертінен қайтыс болды.

Abai.kz