Түркия қазақстандықтарды өз ұшақтарымен тасымалдаудан бас тартты. Бұл туралы ҚР Сыртқы істер министрлігінің өкілі Айбек Смадияров мәлімдеді.

Оның айтуынша, 24 сәуірде Turkish Airlines компаниясы Нұр Сұлтан мен Алматыдан 160-тан астам түрік азаматын еліне қайтарған.

"Біздің Анкарадағы елшілігіміз қазақстандықтарды Түркиядан аталған ұшақпен қайтып әкелу мәселесін түрік тарапымен алдын ала келіскен болатын. Алайда, олар  біздің отандастарымызды бұл ұшаққа отырғызудан бас тартты», - деді Айбек Смадияров.

Бұған дейін 40 қазақстандықтың Беларуссиядан эвакуацияланғаны хабарланған болатын.

Сонымен қатар, 400 қазақстандық студент 3 сәуірде Түркиядан оралды.

Abai.kz