Йенс Столтенберг журналистермен телеконференция форматында кездесу өткізді.

"Ресей мен Қытай өкілдерінің мәлімдеуінше, НАТО одақтастары пандемия кезінде бір-біріне көмектеспей, қарттарын дерттен аман алып қала алмай отыр екен. Мәскеу мен Пекиннің мұндай мәлімдемесі жалған, әрі ол НАТО елдері арасындағы одақты бұзу мақсатын көздейді", деді НАТО басшысы.

"Өзара көмек туралы айтар болсам, жақында ғана одаққа мүше елдердің қорғаныс министрлері телеконференция өткізіп, бірлескен жұмыстарды күшейтуге келісті. Сонда ғана біз науқастарды шекара арқылы өткізіп, медициналық заттарды тасымалдай аламыз. Қытай мен Ресейдің мәлімдемесі - жалған".

Журналистердің бірқатары НАТО әскерін шығысқа орналастыру жайын сұрады.

Столтенберг НАТО әскерін Балтық елдеріне орналастыруды жалғастыратынын мәлімдеді. "Құр сөз емес, іспен дәлелдеп отырмыз. Одақтас елдердің әскери күші Литвада, Латвияда, Эстония мен Польшада орналасқан. НАТО-ның әскери кемелері Балтық кеңізін күзетіп жүр", деді НАТО басшысы.

Йенс Столтенберг одақтас елдердің әскери кемелері Эгей теңізінде де бар екенін айтты. Олар Түркия мен Еуропа одағы арасындағы көші-қон дағдарысын еңсеру туралы келісімінің орындалуына көмектеседі.

Abai.kz