يەنس ستولتەنبەرگ جۋرناليستەرمەن تەلەكونفەرەنتسيا فورماتىندا كەزدەسۋ وتكىزدى.

"رەسەي مەن قىتاي وكىلدەرىنىڭ مالىمدەۋىنشە، ناتو وداقتاستارى پاندەميا كەزىندە ءبىر-بىرىنە كومەكتەسپەي، قارتتارىن دەرتتەن امان الىپ قالا الماي وتىر ەكەن. ماسكەۋ مەن پەكيننىڭ مۇنداي مالىمدەمەسى جالعان، ءارى ول ناتو ەلدەرى اراسىنداعى وداقتى بۇزۋ ماقساتىن كوزدەيدى", دەدى ناتو باسشىسى.

ء"وزارا كومەك تۋرالى ايتار بولسام، جاقىندا عانا وداققا مۇشە ەلدەردىڭ قورعانىس مينيسترلەرى تەلەكونفەرەنتسيا وتكىزىپ، بىرلەسكەن جۇمىستاردى كۇشەيتۋگە كەلىستى. سوندا عانا ءبىز ناۋقاستاردى شەكارا ارقىلى وتكىزىپ، مەديتسينالىق زاتتاردى تاسىمالداي الامىز. قىتاي مەن رەسەيدىڭ مالىمدەمەسى - جالعان".

جۋرناليستەردىڭ بىرقاتارى ناتو اسكەرىن شىعىسقا ورنالاستىرۋ جايىن سۇرادى.

ستولتەنبەرگ ناتو اسكەرىن بالتىق ەلدەرىنە ورنالاستىرۋدى جالعاستىراتىنىن مالىمدەدى. "قۇر ءسوز ەمەس، ىسپەن دالەلدەپ وتىرمىز. وداقتاس ەلدەردىڭ اسكەري كۇشى ليتۆادا، لاتۆيادا، ەستونيا مەن پولشادا ورنالاسقان. ناتو-نىڭ اسكەري كەمەلەرى بالتىق كەڭىزىن كۇزەتىپ ءجۇر", دەدى ناتو باسشىسى.

يەنس ستولتەنبەرگ وداقتاس ەلدەردىڭ اسكەري كەمەلەرى ەگەي تەڭىزىندە دە بار ەكەنىن ايتتى. ولار تۇركيا مەن ەۋروپا وداعى اراسىنداعى كوشى-قون داعدارىسىن ەڭسەرۋ تۋرالى كەلىسىمىنىڭ ورىندالۋىنا كومەكتەسەدى.

Abai.kz