Қазақ күресінен үш дүркін әлем чемпионы, «Әлем барысы» турнирінің екі дүркін жеңімпазы Айбек Нұғымаров Семей қаласындағы инфекциялық ауруханаға жатқызылды.

Семей әкімдігінің хабарлауынша, атақты спортшы коронавирустан емделіп жатыр.

- Семейде COVID-19 диагнозымен аурухананың инфекциялық бөлімшесіне қаладағы екі колледж директоры түсті. Бірі - Электр техникалық колледж директоры Азат Сәрпеков, екіншісі - Семей көлік колледжінің директоры, Қазақ күресінен әлем чемпионы, «Әлем барысы» турнирінің екі дүркін жеңімпазы Айбек Нұғымаров, - делінген әкімдіктің хабарламасында.

Шығыс Қазақстан облысында коронавирус инфекцияның таралуын болдырмау мақсатында карантин шектеулері 1 шілдеге дейін ұзартылды.

Abai.kz