Елордадағы эпидемиологиялық ахуал нашарлап кеткен. Бұл туралы Қоғамдық денсаулық басқармасының басшысы Сәуле Қисықова мәлімдеді.

Оның айтуынша, 2020 жылдың 17 маусымында Нұр-Сұлтан қаласында 2 951 коронавирус инфекциясын жұқтыру дерегі тіркелді. Вирусты жұқтырғандар саны өскен. Және, дәрігерлерге, медбикелерге және коронавирус инфекциясымен жұмыс істейтін басқа да қызметкерлерге үлкен жүктеме түсіп жатыр.

Сонымен қатар ол жедел медициналық жәрдем қызметіне түсетін қоңыраулар саны 3,5 есеге артып, 3 700-ге жеткенін, оның 2 мыңнан астамына қатысты шара қабылданып, жұмыс көлемі 2 есеге артқанын айтты.

"Ауруханаға тек КВИ бойынша келіп түскен қоңыраулар саны соңғы тәулік ішінде 427-ге дейін, яғни 8 есе өсті. Өткен тәулікте жедел жәрдем тобы қызметіне 110-нан астам науқас жүгінген. Бақытымызға орай, жылдың басында біз елуден астам автокөлік сатып алдық, бұл қандай да бір жолмен жүктемені жеңілдетуге көмектесуде. Сонымен қатар, емханалар деңгейінде көліктер қосымша тартылды.Коронавирус мәселесі бойынша тұрғындармен байланысты күшейту үшін жедел жәрдем станциясының базасында қосымша байланыс орталығы құрылды", - деді бас санитарлық дәрігер.

Abai.kz