Тоқаев парадқа барады
Президент Қасым-Жомарт Тоқаев Мәскеуде өтетін парадқа қатысады. Бұл туралы Президенттің баспасөз хатшысы Берік Уәли мәлімдеді.
«Бұған дейін хабарлағанымыздай, Қазақстан Президенті Қасым-Жомарт Тоқаев биылғы жылдың 24 маусым күні Мәскеуде өтетін Жеңіс парадына құрметті қонақ ретінде қатысуды жоспарлап отыр»,- деп жазды ол.
Айта кетейік, 24 маусымда Мәскеуде Екінші дүниежүзілік соғыстағы Жеңістің 75 жылдығына арналған шеру өтеді.
Ресей президенті Владимир Путин Қасым-Жомарт Тоқаевты 2020 жылдың мамыр айында өтетін шеруге шақырды.
Abai.kz
