Қазақ - қазақ үшін қан берді
Жаңаөзендегі оқиға бүкіл елді дүр сілкінтті. Ресми ақпаратпен ғана хабардар болып отырған жұрт шын мәнінде не болғанын біле алмай дал. Ел іші дереу ес жиып, Жаңаөзендіктерге қол ұшын созып жатыр. Түрлі шаралар ұйымдастырылып, материалдық, қаржылай көмектер жинақталып жатыр. Көмекті бірі - оқиға кезінде зардап шеккендердің тез оңалып, ем алып кетуі үшін қан тапсыру.
Кеше Алматыдағы «Қан тапсыру» орталығында бірқатар азаматтар жиналып, қан тапсырды. Олардың арасында саясаттанушылар, түрлі сала қызметкерлері де бар.
Төменде Жаңаөзендік бауырлары үшін қан тапсырған ҚАЗҰПУ, көркемсурет факультетінің оқытушысы Мәлік Қайдаров оқиға турасында өз пікірін айтқан видеоны ұсынып отырмыз.
«Абай-ақпарат»
