Арменияның премьер-министрі Никол Пашинян Қарабақтағы қақтығысты тоқтату келісімін Түркия бұзды деп мәлімдеді.

Пашинянның айтуынша, Таулы Қарабақтағы қақтығысты тоқтатуға Әзербайжанды соғысты жалғастыруға итермелеп отырған Түркия кедергі келтіріп отыр.

"Мен Түркия өзінің позициясын өзгертпейінше, Әзербайжан ұрыс қимылдарын жүргізуді тоқтатпайтынына сенімдімін", - деді Пашинян.

Еске салайық, 10 қазанда Армения мен Әзербайжан арасындағы қақтығысты тоқтату туралы келісім жасалған болатын. Алайда сол күні екі ел Қарабақтағы қақтығысты тоқтату туралы келісім бұзылғанын мәлімдеген еді.

Abai.kz