«Шекарасыз репортерлер» ұйымы жыл сайынғы сөз бостандығының әлемдік рейтингін жариялады. Бұл туралы Factcheck.kz сайты хабарлады.

Қазақстан сөз бостандығы картасында жағдайы «нашар» деп бағаланған елдердің қатарында. Алайда, рейтингте 157-орыннан 155-орынға көтерілген.

Ал ТМД елдері арасында Қазақстанның рейтингі Ресейден (150-ші орын), Украинадан (97-ші орын), Молдовадан (89-орын), Қырғызстаннан (79-шы орын), Армения (63–ші орын), Грузиядан (60-орын), Литвадан (28-орын), Латвиядан (22–орын) және Эстониядан (15-орын) төмен.

Керісінше, Қазақстан бұл рейтинг бойынша Өзбекстаннан (157-орын), Беларусьтен (158-орын) Тәжікстаннан (162-орын), Әзірбайжаннан (167-орын) және Түркіменстаннан (178-орын) жоғары.

Рейтингте Норвегия(1-орын), Финляндия(2-орын), Швеция(3-орын), Дания(4-орын), Коста-Рика (5-орын) көш бастап тұр. Ал ең соңғы орындарда Джибути(176-орын), Қытай(177-орын), Түркіменстан(178-орын), Солтүстік Корея(179-орын) және Эритрея(180-орын) орналасқан.

Еуропа мен Америка (Солтүстік және Оңтүстік) сөз бостандығының ең қолайлы көрсеткіші бар континент ретінде көрсетілген. Сонымен қатар, әлемнің 132 елінде журналистердің жұмысы қиын екені жазылған.

Abai.kz