Вакцинаның жілігін шағып, майын сорғалатып тұрып түсіндіріп беретін адам бар ма?

1. “Спутник V”, “Qazvac”- тың басқа әлемдік BioNTech/Pfizer, Sinopharm, AstraZeneca, Covaxin вакциналардан артықшылығы мен кемшілігі неде?

2. Вакцинасыз-ақ мықты иммунитет арқылы ковидті жұқтырмауға бола ма?

3. Бір рет ауырып, айыққан адам ( яғни, ағзасы вируспен таныс адам) иммунитеті мықты болса, қайта жұқтырған жағдайда оңай жазылып кету пайызы жоғары ма?

4. Вакцина қандай ауруларға, қай жастағыларға қауіпті?

5. Вакцина салдырған кейбір адамдар да жұқтырып алды. Вакцина қанша пайыз қарғай алады?

6. Қазақстанда салынып жатқан вакциналар қажылыққа баратын адамдарға жарамайды. Демек, Сауд арабия мемлекеті спутникті қабылдамайды. Қажылыққа баратын кісілер бұл мәселені қалай шешеді?

7. Вакцина қанша уақытқа жарамды? Алты ай, бір жылдан кейін қайта салдыру қажет пе?

8. Спутникті салдыртқан адам кейінірек әлемдік басқа вакцинаны салдыртса, ағзасында қайшылық болмай ма?

9. Мәжбүрлеу немесе салдыртпағандарға штраф салу қаншалық заңды?

10. Денсаулығына зиянды екенін қалай анықтауға болады?

11. Жүкті әйелдерге вакцина салдыруға бола ма? Вакцина салдырғаннан кейін қанша уақытқа дейін жүкті болуға болмайды? Жүкті болып қойған жағдайда зияны бар ма?

Қайрат Жолдыбайұлының жазбасы

Abai.kz