Денсаулық сақтау министрі Алексей Цой Қазақстандағы ревакцинацияның мерзімі мен ерекшеліктері туралы айтты. 

«Қайта вакцинация 22 қарашада басталып, екі кезеңде өтеді. Ең алдымен, тәуекел тобына жататын адамдар вакцинацияланады: ағымдағы жылдың соңына дейін бастапқы егу мерзімін ескере отырып, халықтың осал топтары – медицина қызметкерлері, мұғалімдер, медициналық-әлеуметтік мекемелердің қызметкерлері, жабық балалар мекемелері, тәртіп сақшылары ревакцинацияланады», - деді ол.

Министр қайта вакцинация жасау жайлы былай деді. «Жаппай бастапқы екпенің сәуір айында басталғанын ескере отырып, 2022 жылдың қаңтарынан бастап вакцинацияның толық курсынан кейін 6-9 айдан кейін бастапқы екпеден өткен республиканың барлық азаматтары қайта вакцинациялауға жатады. Осыған байланысты ревакцинацияның екінші кезеңінде бастапқы екпеден өткен және қайта егу мерзімі келген қалған азаматтар қайта вакцинациядан өтеді», - деді ол.

Abai.kz