دەنساۋلىق ساقتاۋ ءمينيسترى الەكسەي تسوي قازاقستانداعى رەۆاكتسيناتسيانىڭ مەرزىمى مەن ەرەكشەلىكتەرى تۋرالى ايتتى. 

«قايتا ۆاكتسيناتسيا 22 قاراشادا باستالىپ، ەكى كەزەڭدە وتەدى. ەڭ الدىمەن، تاۋەكەل توبىنا جاتاتىن ادامدار ۆاكتسيناتسيالانادى: اعىمداعى جىلدىڭ سوڭىنا دەيىن باستاپقى ەگۋ مەرزىمىن ەسكەرە وتىرىپ، حالىقتىڭ وسال توپتارى – مەديتسينا قىزمەتكەرلەرى، مۇعالىمدەر، مەديتسينالىق-الەۋمەتتىك مەكەمەلەردىڭ قىزمەتكەرلەرى، جابىق بالالار مەكەمەلەرى، ءتارتىپ ساقشىلارى رەۆاكتسيناتسيالانادى», - دەدى ول.

مينيستر قايتا ۆاكتسيناتسيا جاساۋ جايلى بىلاي دەدى. «جاپپاي باستاپقى ەكپەنىڭ ءساۋىر ايىندا باستالعانىن ەسكەرە وتىرىپ، 2022 جىلدىڭ قاڭتارىنان باستاپ ۆاكتسيناتسيانىڭ تولىق كۋرسىنان كەيىن 6-9 ايدان كەيىن باستاپقى ەكپەدەن وتكەن رەسپۋبليكانىڭ بارلىق ازاماتتارى قايتا ۆاكتسيناتسيالاۋعا جاتادى. وسىعان بايلانىستى رەۆاكتسيناتسيانىڭ ەكىنشى كەزەڭىندە باستاپقى ەكپەدەن وتكەن جانە قايتا ەگۋ مەرزىمى كەلگەن قالعان ازاماتتار قايتا ۆاكتسيناتسيادان وتەدى»، - دەدى ول.

Abai.kz