Талдықорғанда Қазақстанның Тұңғыш Президенті Нұрсұлтан Назарбаевтың ескерткішін бұзу ісі бойынша арнайы прокурорлар тергеуді бастады.

Бұл ақпаратты Алматы облысы прокуратурасы мен Бас прокуратураның баспасөз қызметі растаған. Жақында әлеуметтік желілерде "Талдықорғанда өзінің "КамАЗ" көлігімен Назарбаев ескерткішін бұзған Азамат Келібаевты қамауға алды " деген хабарлама пайда болды және онымен бірге 16 адамның қатысқаны туралы да айтылды.

Сонымен бірге, Талдықорғанда Назарбаев ескерткішін қайта қалпына келтіру туралы мәселе қаралып жатқан жоқ.

Естеріңізге сала кетейік, Тұңғыш Президент ескерткіші қаңтар айының басында елде болған наразылық шерулері кезінде қиратылды.

Abai.kz