Ерболат Досаев Алматының әкімі болды
Ерболат Досаев Алматы әкімі болып тағайындалды. Бұл туралы Қазақстан президентінің Жарлығы Ақорда сайтында жарияланды.
Онда: «Ерболат Асқарбекұлы Досаев Алматы қаласының әкімі болып тағайындалсын, ол Қазақстан Республикасы Ұлттық Банкінің Төрағасы лауазымынан босатылсын», - деп жазылған.
Ал Алматының ендігі экс-әкімі Бақытжан Сағынтаев басқа қызметке ауысыпты. Ақорда сайтында: «Мемлекет басшысының Жарлығымен Бақытжан Әбдірұлы Сағынтаев Алматы қаласының әкімі лауазымынан басқа жұмысқа ауысуына байланысты босатылды», - деп жазылған.
Abai.kz
