ەربولات دوساەۆ الماتىنىڭ اكىمى بولدى
ەربولات دوساەۆ الماتى اكىمى بولىپ تاعايىندالدى. بۇل تۋرالى قازاقستان پرەزيدەنتىنىڭ جارلىعى اقوردا سايتىندا جاريالاندى.
وندا: «ەربولات اسقاربەكۇلى دوساەۆ الماتى قالاسىنىڭ اكىمى بولىپ تاعايىندالسىن، ول قازاقستان رەسپۋبليكاسى ۇلتتىق بانكىنىڭ توراعاسى لاۋازىمىنان بوساتىلسىن»، - دەپ جازىلعان.
ال الماتىنىڭ ەندىگى ەكس-اكىمى باقىتجان ساعىنتاەۆ باسقا قىزمەتكە اۋىسىپتى. اقوردا سايتىندا: «مەملەكەت باسشىسىنىڭ جارلىعىمەن باقىتجان ءابدىرۇلى ساعىنتاەۆ الماتى قالاسىنىڭ اكىمى لاۋازىمىنان باسقا جۇمىسقا اۋىسۋىنا بايلانىستى بوساتىلدى»، - دەپ جازىلعان.
Abai.kz
