"Ресей Украина маңына 150 мыңға жуық әскер топтастырып, әне-міне ұрыс қимылдары басталады" деген болжам бір апта бойы күллі әлем жұртын дүрліктірді. Мемлекеттер өз елшілерін эвакуациялап, басталуы мүмкін соғыстан сақтану шараларын бастады. 

Ресей қорғаныс министрлігінің өкілі Игорь Конашенков арнайы мәлімдеме жасады.  "Оңтүстік және Батыс әскери округтерінің бөлімшелері өз әскери міндеттерін орындап, темір жол және автомобиль көліктері арқылы бүгіннен бастап  өздерінің әскери гарнизондарына қайта бастайды. Жеке бөлімшелер әскери колонналардың құрамында өз бетінше қайту міндеті тапсырылған", - деді Конашенков.

Аталмыш мәліметті Украина сыртқы министрі былай деп жеткізді. "Біз серіктестеріміз арқылы Ресейді тоқтата білдік. Қазір ақпаннның ортасы, көріп тұрғандарыңыздай дипломатия әлі жұмыс істеуде", - деді Дмитрий Кулеба.

Ресей мен Украина арасындағы шиеленіс 16-ақпанда толыққанды соғысқа ұласуы мүмкін деген болжамды Вашингтон 12-ақпанда айтқан еді. Аталмыш мәліметтен кейін бірқатар елдер өз елшілері мен азаматтарын Украинадан эвакуациялай бастады.

Abai.kz