"رەسەي ۋكراينا ماڭىنا 150 مىڭعا جۋىق اسكەر توپتاستىرىپ، انە-مىنە ۇرىس قيمىلدارى باستالادى" دەگەن بولجام ءبىر اپتا بويى كۇللى الەم جۇرتىن دۇرلىكتىردى. مەملەكەتتەر ءوز ەلشىلەرىن ەۆاكۋاتسيالاپ، باستالۋى مۇمكىن سوعىستان ساقتانۋ شارالارىن باستادى. 

رەسەي قورعانىس مينيسترلىگىنىڭ وكىلى يگور كوناشەنكوۆ ارنايى مالىمدەمە جاسادى.  "وڭتۇستىك جانە باتىس اسكەري وكرۋگتەرىنىڭ بولىمشەلەرى ءوز اسكەري مىندەتتەرىن ورىنداپ، تەمىر جول جانە اۆتوموبيل كولىكتەرى ارقىلى بۇگىننەن باستاپ  وزدەرىنىڭ اسكەري گارنيزوندارىنا قايتا باستايدى. جەكە بولىمشەلەر اسكەري كولوننالاردىڭ قۇرامىندا ءوز بەتىنشە قايتۋ مىندەتى تاپسىرىلعان", - دەدى كوناشەنكوۆ.

اتالمىش مالىمەتتى ۋكراينا سىرتقى ءمينيسترى بىلاي دەپ جەتكىزدى. ء"بىز سەرىكتەستەرىمىز ارقىلى رەسەيدى توقتاتا بىلدىك. قازىر اقپانننىڭ ورتاسى، كورىپ تۇرعاندارىڭىزداي ديپلوماتيا ءالى جۇمىس ىستەۋدە", - دەدى دميتري كۋلەبا.

رەسەي مەن ۋكراينا اراسىنداعى شيەلەنىس 16-اقپاندا تولىققاندى سوعىسقا ۇلاسۋى مۇمكىن دەگەن بولجامدى ۆاشينگتون 12-اقپاندا ايتقان ەدى. اتالمىش مالىمەتتەن كەيىن بىرقاتار ەلدەر ءوز ەلشىلەرى مەن ازاماتتارىن ۋكراينادان ەۆاكۋاتسيالاي باستادى.

Abai.kz