Ресейдің АҚШ-тағы Елшісі Анатолий Антонов АҚШ-тың CBS телеарнасына берген пікірінде «Мәскеу басқа елдің жерін тартып алуға тырыспайды, Донбасс Украинаның жері»,- деді.

"Ешқандай шабуыл жасалмайды. Мұндай жоспар да жоқ. Біз шет елдердің жерін басып алуға тырыспаймыз. Донбасс пен Луганск Украинаның бір бөлігі екенін растаймын. Біз Ресей аумағына жеккөрушілікті көргіміз келмейді. Біз Украинамен тұрақты әрі достық қарым-қатынас орнатуға мүдделіміз. Біз Луганск пен Донбаста тұратын халыққа ана тілінде сөйлеуге, қоғамның барлық құқықтарын пайдалануға мүмкіндік бергіміз келеді", - деді Ресей дипломаты.

Украина шекарасына жақын жерге әскер орналастыру туралы мәселеге жауап берген Елші «Ресей өз аумағында әскерін кез-келген жерге орналастыра алады»,- дейді.

«Біз ешкімге қоқан-лоқы көрсетпейміз. Біз АҚШ-ты да , Украинаны да қорқытып-үркітіп отырған жоқпыз. Бірақ, НАТО Ресейдің қатты алаңдаушылығын туғызып отыр. Бұл альянстың күші Ресейдің шекарасына дейін жетіп отыр»,- деп мәлімдеді ол. Елші Қырым мәселесі Мәске

Елші сонымен қатар Мәскеуде Қырымның мәртебесі туралы мәселе жабылғанын айтып, "біз оны талқылағымыз да келмейді"деп атап өтті. "Қырым мәселесі шешілді, Қырым мәселесі біз үшін жабық. Бұл Ресей аумағы, сондықтан біз бұл мәселені мүлде талқылағымыз келмейді", - деді Антонов.

Оның айтуынша, Украинаның шығысындағы дағдарысты Киевті келіссөздер үстеліне отырғызса. мәселені шешу өте оңай екенін айтады. "Сіз Киевті Минск келісімдерін орындауға көндіруіңіз керек", - деді Ресейдің АҚШ-тағы елшісі.

17 ақпанда АҚШ президенті Джо Байден Ресейдің Украинаға басып кіру ықтималдығы өте жоғары екенін айтты, ол "алдағы бірнеше күнде" іске асуы мүмкін. 20 ақпанда АҚШ Мемлекеттік хатшысы Энтони Блинкен Ресей "соңғы айларда Украина шекарасына жақын қарулы  күштерді 50 000 - нан 100 000-ға дейін, ал қазір 150 000-нан астамға арттырды"деп атап өтті. Ол Ресей мен Беларусь әскерлері бірлескен әскери жаттығуларды жалғастырады деген хабарға алаңдаушылық білдірді.

"Бұл мен өткен аптада БҰҰ Қауіпсіздік кеңесінде айтқан сценарий бойынша Ресейдің Украинаға қарсы агрессиясын ақтау үшін бірқатар арандатулар жасауға тырысып жатқандығын көрсетеді", - деді Блинкен CNN эфирінде.

Abai.kz