رەسەيدىڭ اقش-تاعى ەلشىسى اناتولي انتونوۆ اقش-تىڭ CBS تەلەارناسىنا بەرگەن پىكىرىندە «ماسكەۋ باسقا ەلدىڭ جەرىن تارتىپ الۋعا تىرىسپايدى، دونباسس ۋكراينانىڭ جەرى»،- دەدى.

"ەشقانداي شابۋىل جاسالمايدى. مۇنداي جوسپار دا جوق. ءبىز شەت ەلدەردىڭ جەرىن باسىپ الۋعا تىرىسپايمىز. دونباسس پەن لۋگانسك ۋكراينانىڭ ءبىر بولىگى ەكەنىن راستايمىن. ءبىز رەسەي اۋماعىنا جەككورۋشىلىكتى كورگىمىز كەلمەيدى. ءبىز ۋكراينامەن تۇراقتى ءارى دوستىق قارىم-قاتىناس ورناتۋعا مۇددەلىمىز. ءبىز لۋگانسك پەن دونباستا تۇراتىن حالىققا انا تىلىندە سويلەۋگە، قوعامنىڭ بارلىق قۇقىقتارىن پايدالانۋعا مۇمكىندىك بەرگىمىز كەلەدى", - دەدى رەسەي ديپلوماتى.

ۋكراينا شەكاراسىنا جاقىن جەرگە اسكەر ورنالاستىرۋ تۋرالى ماسەلەگە جاۋاپ بەرگەن ەلشى «رەسەي ءوز اۋماعىندا اسكەرىن كەز-كەلگەن جەرگە ورنالاستىرا الادى»،- دەيدى.

«ءبىز ەشكىمگە قوقان-لوقى كورسەتپەيمىز. ءبىز اقش-تى دا ، ۋكراينانى دا قورقىتىپ-ۇركىتىپ وتىرعان جوقپىز. بىراق، ناتو رەسەيدىڭ قاتتى الاڭداۋشىلىعىن تۋعىزىپ وتىر. بۇل اليانستىڭ كۇشى رەسەيدىڭ شەكاراسىنا دەيىن جەتىپ وتىر»،- دەپ مالىمدەدى ول. ەلشى قىرىم ماسەلەسى ماسكە

ەلشى سونىمەن قاتار ماسكەۋدە قىرىمنىڭ مارتەبەسى تۋرالى ماسەلە جابىلعانىن ايتىپ، ء"بىز ونى تالقىلاعىمىز دا كەلمەيدى"دەپ اتاپ ءوتتى. "قىرىم ماسەلەسى شەشىلدى، قىرىم ماسەلەسى ءبىز ءۇشىن جابىق. بۇل رەسەي اۋماعى، سوندىقتان ءبىز بۇل ماسەلەنى مۇلدە تالقىلاعىمىز كەلمەيدى", - دەدى انتونوۆ.

ونىڭ ايتۋىنشا، ۋكراينانىڭ شىعىسىنداعى داعدارىستى كيەۆتى كەلىسسوزدەر ۇستەلىنە وتىرعىزسا. ماسەلەنى شەشۋ وتە وڭاي ەكەنىن ايتادى. ء"سىز كيەۆتى مينسك كەلىسىمدەرىن ورىنداۋعا كوندىرۋىڭىز كەرەك", - دەدى رەسەيدىڭ اقش-تاعى ەلشىسى.

17 اقپاندا اقش پرەزيدەنتى دجو بايدەن رەسەيدىڭ ۋكرايناعا باسىپ كىرۋ ىقتيمالدىعى وتە جوعارى ەكەنىن ايتتى، ول "الداعى بىرنەشە كۇندە" ىسكە اسۋى مۇمكىن. 20 اقپاندا اقش مەملەكەتتىك حاتشىسى ەنتوني بلينكەن رەسەي "سوڭعى ايلاردا ۋكراينا شەكاراسىنا جاقىن قارۋلى  كۇشتەردى 50 000 - نان 100 000-عا دەيىن، ال قازىر 150 000-نان استامعا ارتتىردى"دەپ اتاپ ءوتتى. ول رەسەي مەن بەلارۋس اسكەرلەرى بىرلەسكەن اسكەري جاتتىعۋلاردى جالعاستىرادى دەگەن حابارعا الاڭداۋشىلىق ءبىلدىردى.

"بۇل مەن وتكەن اپتادا بۇۇ قاۋىپسىزدىك كەڭەسىندە ايتقان ستسەناري بويىنشا رەسەيدىڭ ۋكرايناعا قارسى اگرەسسياسىن اقتاۋ ءۇشىن بىرقاتار ارانداتۋلار جاساۋعا تىرىسىپ جاتقاندىعىن كورسەتەدى", - دەدى بلينكەن CNN ەفيرىندە.

Abai.kz